![youth protest in mantralaya](http://media.assettype.com/saamtv%2F2023-09%2Fb4a6dc45-8a5f-4c72-bd54-5a1c810cf55c%2FUP_News__27_.jpg?w=480&auto=format%2Ccompress&fit=max)
शिक्षक भरती (Teacher Recruitment) करावी या मागणीसाठी तरुणाने मुंबईतल्या मंत्रालयामध्ये (Mantralaya) आंदोलन केले. या तरुणाने थेट मंत्रालयातील सुरक्षा जाळीवर उडी मारून आंदोलन केले. यावेळी या तरुणाने जोरदार घोषणाबाजी देखील केल्या. पोलिसांनी (Mumbai Police) सुरक्षा जाळीवर उडी मारून या तरूणाला ताब्यात घेतले.
मिळालेल्या माहितीनुसार, शिक्षक भरती करावी या मागणीसाठी बीडच्या आंबाजोगाई येथून आलेल्या तरुणाने मंत्रालयात आज आंदोलन केले. लवकरात लवकर शिक्षक भरती करण्यात यावी अशी मागणी या तरुणाने केली आहे. हा तरुण उसतोड कामगार आणि प्रकल्पग्रस्त असल्याने असल्याचे सांगितले जात आहे.
या तरुणाने सुरक्षा जाळीवर उडी मारल्यानंतर मंत्रालयामध्ये एकच गोंधळ उडाला. त्यानंतर मंत्रालयातील पोलीस आणि सुरक्षा कर्मचाऱ्यांनी सुरक्षा जाळीवर उडी मारत या तरुणाला बाहेर काढले. त्यानंतर पोलिसांनी या तरुणाला ताब्यात घेतले.
दरम्यान, मागच्या महिन्यामध्ये मंत्रालयामध्ये अप्पर वर्धा धरणग्रस्त शेतकऱ्यांनी अशाचप्रकारचे आंदोलन केले होते. या शेतकऱ्यांनी आक्रमक भूमिका घेत विविध मागण्यांसाठी थेट मंत्रालयतील सुरक्षा जाळीवर उडी मारली होती. त्यानंतर पोलिसांनी आंदोलनकर्त्यांना ताब्यात घेतलं होतं. हे सर्व आंदोलक शेतकरी अमरावती येथील होते.
अप्पर वर्धा धरणग्रस्तांचा प्रश्न गेल्या ४० वर्षांपासून प्रलंबित आहे. सरकारकडून त्यांच्या आंदोलनाची दखल घेत नसल्यामुळे या शेतकऱ्यांनी आक्रमक होत मंत्रालयात आंदोलन केले होते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.