गेल्या आठवडाभरापासून सर्वत्र गणेशोत्सवाचा जल्लोष आणि उत्साह पाहायला मिळत आहे. गणपतीसाठी चाकरमान्यांची गावी ये- जा वाढली असून यामुळे मोठ्या प्रमाणात वाहतुक कोंडीही होत आहे. या वाहतुक कोंडीचा विचार करत ३ दिवसानंतर असलेल्या गणेश विसर्जन काळात महामार्गावर होणारी वाहतुक कोंडी टाळण्यासाठी प्रशासनाकडून मोठा निर्णय घेण्यात आला आहे.
याबाबत सविस्तर माहिती अशी की, गणपती विसर्जनाला (Ganapati Visrjan) अवघे तीन दिवस उरले आहेत. २८ सप्टेंबरला होणारे गणपती विसर्जन तसेच ईद सणाच्या पार्श्वभूमीवर प्रशासनाने वाहतुकीतही मोठे बदल केले आहेत.
पुणे- मुंबई महामार्ग (Pune- Mumbai Highway) तसेच मुंबई- गोवा महामार्गावरील (Mumbai- Goa Expressway) वाहतुक कोंडी लक्षात घेवून या रस्त्यांवर अवजड वाहनांना प्रवेश बंदी करण्यात आली आहे. २७ तारखेला मध्यरात्री १२ वाजल्यापासून दोन्ही महामार्गांवर अवजड वाहनांना प्रवेश बंदी करण्यात आली आहे.
ही प्रवेश बंदी २९ तारखेला रात्री १२ वाजेपर्यंत असणार आहे. गणपती विसर्जनानिमित्त राज्यभर बाप्पांच्या मिरवणुका निघतात, त्यामुळे होणारी वाहतुक कोंडी टाळण्यासाठी हा निर्णय घेण्यात आला आहे. त्यामुळेच या दिवशी प्रवास करणाऱ्या अवजड वाहनांना जुन्या मार्गांचा पर्याय असणार आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.