VIDEO : CM एकनाथ शिंदें ऑन द स्पॉट! दरडींचा धोका असलेल्या ठिकाणी थेट पाहणी
मुंबईतील दरड प्रवण भागांची (landslide prone areas) मुख्यमंत्री एकनाथ शिंदे (CM Eknath Shinde) यांनी पाहणी केली. मुख्यमंत्र्यांकडून मान्सूनपूर्व कामांचा आढावा घेण्यात आला. यावेळी मुख्यमंत्र्यांनी अधिकाऱ्यांकडून मान्सूनपूर्व कामांची माहिती घेतली. घाटकोपर (Ghatkopar) येथील असल्फा भागातील हनुमान टेकडी परिसरात आज मुख्यमंत्र्यांनी पाहणी दौरा केला. हा पाहणी दौरा दरडग्रस्त भागातील होता.
पावसाळ्यामध्ये मुंबईमध्ये दरड कोसळण्याच्या घटना घडत असतात. त्यामुळे सतर्कतेचा एका भाग म्हणून मुख्यमंत्र्यांनी आज हा पाहणी दौरा केला. या पाहणी दौऱ्यादरम्यान मुख्यमंत्री एकनाथ शिंदे यांनी माध्यमांशी संवाद साधला. 'मुंबईमध्ये अतिधोकादायक ३१ ठिकाणं आहेत. याठिकाणी सेफ्टी नेट लावण्याचे काम सुरू आहे. मुंबईत अशाप्रकारे दरड कोसळून जीवितहानी होऊ नये यासाठी सेफ्टी नेट लावण्यात येत आहे. ही सेफ्टी नेट स्वित्झर्लंडवरून आणण्यात आली आहे. हे काम मोठ्या कंपनीला दिले आहे. यामुळे येणाऱ्या काळात होणारे मोठे अपघात टळतील.', असे मुख्यमंत्र्यांनी सांगितले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.