Air hostes Killed in Powai : पवईत २३ वर्षीय एअर हॉस्टेसची हत्या, मित्र आणि बहिण घरात नसताना घडला प्रकार

Mumbai News :

मुंबईतील पवई परिसरातून एक धक्कादायक घटना समोर आली आहे. पवईमध्ये २३ वर्षीय हवाई सुंदरीची म्हणजेच एअर हॉस्टेसची हत्या झाल्याची घटना समोर आली आहे. पोलीस याप्रकरणी सखोल तपास करत आहेत.

रूपल ओगरे असं हत्या झालेल्या तरुणीचं नाव आहे. मिळालेल्या माहितीनुसार, मरोळ येथील राहत्या या एअर हॉस्टेसचा मृतदेह सापडला आहे. तरुणीची गळा चिरून हत्या करण्यात आली आहे. (Crime News)

रूपल ओगरे ही मुळची रायपूरची आहे. मरोळ येथील एनजी कॉम्पलेक्स येथे ती राहत होती. बहीण आणि तिच्या मित्रासोबत ती एकाच फ्लॅटमध्ये राहत होती. मात्र दोघेही सध्या गावी गेले होते. (Latest Marathi News)

रुपलचे घरचे तिला फोन करत होते, मात्र ती फोन उचलत नसल्याने घरच्यांना तिच्या मित्राला याबाबत माहिती दिली. त्यावेळी मित्र तिच्या घरी पोहोचला, तेव्हा दरवाजा ठोकूनही कुणीही दरवाजा उघडला नाही. दरवाजा तोडला त्यावेळी घटनेची माहिती समोर आली.  (Political News)

घटनेची माहिती मिळाल्यानंतर पवई पोलीस आणि गुन्हे शाखेचे अधिकारी घटनास्थळी झाले आणि पुढील तपास सुरु केला आहे.