मुंबई-पुणे एक्सप्रेस भीषण अपघात; १० जण जखमी

मुंबई : मुंबई (Mumbai)-पुणे एक्सप्रेस वेवर मध्यरात्री भीषण अपघात झाला आहे. या अपघातात १० जण जखमी झाल्याची माहिती मिळत आहे. मध्यरात्री १.३० वाजण्याच्या सुमारास मुंबई- पुणे एक्सप्रेस वेवर खालापूर पोलीस ठाणे हद्दीत बस पलटी होऊन आणि इको स्पोर्ट गाडीचा टायर फुटून अपघात झाला.

मिळालेल्या माहितीनुसार, यावेळी बचाव कार्य करण्यासाठी गेलेल्या डेल्टा फोर्सच्या गाडीला आज्ञात वाहनाने धडक दिली. या अपघातामध्ये (Accident) एकुण १० जण जखमी झाले आहेत. या अपघातामध्ये अश्विनी पवार 32, नैतिक पवार 06 दोघे राहणार जोगेश्वरी, संजय माने 40 राहणार नेरूळ, अरुष हाके 10 राहणार मानखुर्द, नंदा नलावडे 21 राहणार दहिसर आणि ज्योती कांबळे 34 राहणार भाइंदर हे जखमी झाले आहेत तर होमगार्ड लक्ष्मण आखाडे वय 30, पोलीस शिपाई चौहान, होमगार्ड दिपेश हातनोलकर 26, डेल्टा फोर्स जीप चालक गुलाब नलावडे वय 37 अशी मदत कार्य करताना जखमी झालेल्यांची नावे आहेत.

हा अपघात (Accident) मुंबई- पुणे एक्सप्रेस वेवरील पुणे लेनवर झाला. सर्व जखमींना कामोठे येथील एमजीएम रुग्णालयात उपचारासाठी दाखल केले आहे.