Mumbai Crime News: शाळकरी मुलींचा पाठलाग करत केले अश्लील चाळे, चेंबूरमधील संतापजनक घटना

>> सचिन गाड, साम टीव्ही

A Person Chased Schoolgirls And Molested In Chembur : शाळकरी मुलींचा पाठलाग करून त्यांच्यासमोर अश्लील चाळे केल्याची संतापजनक घटना चेंबूरमध्ये घडली आहे. या संतापजनक घटनेप्रकरणी पोलिसांनी एकाला अटक केली आहे. नानासाहेब असे या ४५ वर्षीय आरोपीचं नाव असून चेंबूर पोलिसांनी त्याला ताब्यात घेतलं आहे.

याविषयी सविस्तर माहिती अशी की, १७ जुलै रोजी तीन मुली शाळेतून घरी परतत असताना आरोपीने चेंबूर नाका येथून त्यांचा पाठलाग करण्यास सुरुवात केली. त्याने चेंबूर नाका ते क्रिष्ण लीला हॉटेलपर्यंत त्यांचा पाठलाग केला आणि त्यांच्यासमोर अश्लील चाळे केले. त्याच्या या प्रकारामुळे तिन्ही मुली प्रचंड घाबरल्या होत्या. (Tajya Marathi Batmya)

या मुलींनी कसंबसं घर गाठलं आणि यातल्या एका मुलीने आपल्या पालकांना घडलेला संपूर्ण प्रकार सांगितला. यानंतर तिच्या पालकांनी इतर मुलींच्या पालकांशी संपर्क केला. यानंतर तिन्ही मुलींच्या पालकांनी चेंबूर पोलीस ठाणे गाठले आणि घडलेला प्रकार सांगून पोलिसांत तक्रार दाखल केली. (Breaking News)

गुरुवारी ही तक्रार दाखल होताच पोलिसांनी तात्काळ शोधमोहीम सुरू केली आणि आरोपीला अटक केली. आरोपी नानासाहेब हा सिद्धार्थ कॉलनी येथील रहिवासी असून ते पेशाने चालक आहे. त्याने आणखी काही मुलींसोबत असा प्रकार केला आहे का? याचा तपास चेंबूर पोलीस करत आहेत. या प्रकरणी आरोपी नानासाहेबला भा.दं.वि. ३५४(ड), ५०९ आणि पॉक्सो कायद्याच्या कलम १२ अंतर्गत अटक करण्यात आली आहे. (Latest Political News)