मोठी बातमी! मुंबईचा महापौर ठरला, भाजपकडून या लाडक्या बहिणीला दिली संधी

Mumbai Municipal Corporation mayor deputy mayor news : मुंबई महापालिकेत भाजप आणि शिंदेंचे सरकार बसणार, यावर शिक्कामोर्तब झालेय. कारण, मुंबईत भाजपचा महापौर तर शिंदेंच्या शिवसेनेचा उपमहापौर बसणार हे आज निश्चित झालेय. भाजपकडून महापौरबदासाठी रितू तावडेंचं नाव निश्चित करण्यात आले. भाजप मुंबई अध्यक्ष अमित साटम यांनी रितू तावडे यांच्या नावाची घोषणा करण्यात आली. तर शिंदेंच्या शिवसेनेकडून उपमहापौरपदासाठी संजय घाडी (Sanjay Gadi named Deputy Mayor of Mumbai) यांच्या नावावर शिक्कामोर्तब करण्यात आले. (BMC mayor deputy mayor announcement) भाजप अन् शिंदेंची शिवसेनेकडे स्पष्ट बहुमत असल्याने रितू तावडे अन् संजय घाडी यांच्या नावावर लवकरच अधिकृत शिक्कामोर्तब होणार आहे.

२२७ जागांपैकी भाजपने ८९, ठाकरेंची शिवसेना ६५, शिंदेंची शिवसेना २९, काँग्रेस २४, मनसे ६, अजित पवारांची राष्ट्रवादी ३, शरद पवारांची राष्ट्रवादी १, एमआयएम आणि इतर १० जागांवर निवडून आले आहेत. भाजप ८९ जागांसह पहिल्या क्रमांकावर आहे, तर उद्धव ठाकरे यांची शिवसेना ६५ जागांसह दुसऱ्या क्रमांकावर आहे. मुंबई महापालिकेत सत्ता स्थापनेसाठी ११४ जागांची आवश्यकता असते. भाजप आणि शिंदे गटाच्या महायुतीने हा आकडा पार केला आहे. मार्च २०२२ पासून मुंबई महापालिकेवर प्रशासकाची नियुक्ती होती, ती आता या नवीन निवडून आलेल्या नगरसेवकांमुळे संपुष्टात येईल. लवकरच नव्या महापौराचा शपथविधी पार पडेल.