Mumbai Best Bus Fire: मुंबईच्या अंधेरी पूर्व रेल्वे स्थानक परिसरात बेस्ट बसला आग लागल्याची धक्कादायक घटना घडली आहे. या आगीत बेस्ट बस पूर्णपणे जळून खाक झाली. सुदैवाने या आगीत कोणतीही जीवितहानी झाली नाही.
बेस्ट बसला लागलेल्या या आगीमुळे अंधेरी पूर्व स्थानक परिसरात मोठ्या प्रमाणावर वाहतूक कोंडी झाल्याचं चित्र देखील पाहायला मिळालं. अंधेरी पूर्व आगरकर चौकात असलेल्या टॅक्स इमारतीजवळील अलविन झेरॉक्स समोर ही घटना गडली. या ठिकाणी बस आली असता अचानक बसणे पेट घेतला आणि पाहता पाहता काही क्षणातच संपूर्ण बस आगीमध्ये जळून खाक झाली. (Mumbai News)
बेस्टची तिसरी बस जळण्याच्या घटनेनंतर मातेश्वरी या कंत्राटदाराच्या भाडेतत्वावरील ४०० बसेस ताफ्यातून कमी करण्याचा निर्णय बेस्टने घेतला आहे. टाटा मार्कोपोलो या कंपनीकडून घेतलेल्या या बसेस बेस्टच्या वेगवेगळ्या डेपोंमध्ये चालवण्यात येत होत्या. या बसेस उद्यापासून कमी करण्याचा निर्णय बेस्टने घेतला आहे. या कमी झालेल्या बसेसच्या मार्गावर प्रवाशांची गैरसोय होणार आहे. (Latest Marathi News)
मातेश्वरी या कंत्राटदाराकडून पुरवण्यात आलेल्या बसेसमधील बस जळण्याची ही दोन महिन्यातील तिसरी घटना आहे. याआधी दिल्लीतही अशा प्रकारच्या आगीची घटना घडली होती. मुंबईतील याआधीच्या दोन घटनेनंतर बेस्ट परिवहन विभागाने बैठक घेऊन या प्रश्नाची गांभीर्याने दखल घेतली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
