Maharashtra Vidhan Sabha Election: वरळी विधानसभा मतदारसंघामध्ये शिंदे गट आणि मनसेमध्ये राडा झाल्याची घटना समोर आली आहे. वरळीमध्ये शिंदे गटाविरोधात मनसेने पोलिस ठाण्यामध्ये तक्रार दाखल केली आहे. शिंदे गटाकडून फेक पत्र वायरल करण्यात आले असल्याचा आरोप मनसे नेते आणि उमेदवार संदीप देशपांडे यांनी केला आहे. पत्रामध्ये राज ठाकरे यांच्या सहीसोबत मनसेने शिवसेना शिंदे गटाच्या उमेदवाराला पाठिंबा दिले असल्याचे या पत्रात नमूद करण्यात आले आहे. या फेक पत्राची संदीप देशपांडे यांनी केली आहे.
शिवसेनेच्या उमेदवाराला मनसेचा पाठिंबा असे फेकपत्र वरळीमधील शिंदे गटाच्या कार्यकर्त्यांनी वरळीमध्ये वाटप केल्यामुळे मनसे आक्रमक झाली आहे. मनसेच्या कार्यकर्त्यांनी शिवसेना शिंदे गटाच्या कार्यकर्त्यांना यासंदर्भात जाब विचारला. यावेळी मनसे कार्यकर्त्यांकडून शिवसेना शिंदे गटाच्या कार्यकर्त्यांना धक्काबुक्की करण्यात आली. त्यामुळे सध्या वरळीमध्ये तणावाचे वातावरण पाहायला मिळत आहे.
या प्रकरणी आग्रीपाडा पोलिस ठाणे आणि वरळी येथील पोलिस ठाण्यामध्ये तक्रार दाखल करण्यात आली आहे. संदीप देशपांडे सध्या वरळी पोलिस ठाण्यामध्ये आहेत. या घटनेमुळे सध्या वरळी मतदारसंघामध्ये तणावाचे वातावरण आहे. याठिकाणी सध्या पोलिसांचा कडक बंदोबस्त तैनात करण्यात आला आहे. पोलिसांकडून याप्रकरणाचा तपास सुरू आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.