बाप-लेकीने सर केले युरोपातील सर्वोच्च शिखर माउंट एल्ब्रुस !

पिंपरी-चिंचवड : पिंपरी-चिंचवडमधील भोसरी परिसरात राहणाऱ्या बाप लेकीने युरोप खंडातील सर्वात उंच माउंट एलब्रुज शिखर सर केले आहे. हे युरोप खंडातील सर्वात उंच शिखर असून या शिखराची उंची ५ हजार ६४२ मीटर एवढी असून वयाच्या अवघ्या १२ व्या वर्षी गिरीजा लांडगेने तिचे वडील धनाजी लांडगे यांच्यासोबत माउंट एल्ब्रुसवर यशस्वीपणे चढाई केली आहे. विशेष म्हणजे गिरीजाने वयाच्या १२ व्या वर्षी माउंट एल्ब्रुस शिखर सर केले आहे. अशी कामगिरी करणारी ती भारतातील पहिलीच मुलगी असल्याचे बोलले जात आहे.

हे देखील पहा -

माउंट एल्ब्रुस हे शिखर सर करायला अत्यंत खडतर आणि आव्हानात्मक असून गिरीजाने आणि तिचे वडील धनाजी यांनी यासाठी मोठे परिश्रम घेतले आहेत. युरोपातील आणि भारतातील हवामान यात मोठ्या प्रमाणात फरक असून त्याच्याशी जुळवून घेत या बाप लेकीच्या जोडीने हा पराक्रम केला आहे. माउंट एल्ब्रुस शिखरावर चढाई करण्यासाठी योग्य प्रशिक्षण व मेहनत आवश्यक असते.

माउंट एल्ब्रुसवरील तापमान उणे २५ ते ४० डिग्रीपर्यंत असते त्यामुळे येथे प्रचंड थंडी आणि वेगाने वाहणारे वारे व प्रतिकूल वातावरणाचा सामना करावा लागतो. माउंट एल्ब्रुसवरील वातावरणात सतत बदल होत असल्याने शारीरिक आणि मानसिक तयारी तसेच योग्य प्रशिक्षण घेऊनच या मोहिमेची निवड करावी लागते. प्रंचड थंडी आणि वाऱ्याचा सामना करत गिरीजा आणि धनाजी यांनी माउंट एल्ब्रुस सर केला आहे. माउंट एल्ब्रुसवर भारतीय झेंडा फडकावून गिरीजा आणि धनाजी यांनी लेक वाचवा-लेक जगवा असा संदेश दिला आहे.

Edited By : Krushnarav Sathe