मुंबईची चिंता वाढली, कोरोनाची आजची आकडेवारी धडकी भरवणारी

मुंबई : मुंबईत कोरोनाच्या दैनंदिन रुग्णसंख्येत (Mumbai corona update) होणारी वाढ नागरिकांसाठी चिंतेची बाब बनली आहे. गेल्या काही दिवसांपासून नव्या कोरोना रुग्णसंख्येत मोठी वाढ होत आहे. दोन दिवसांपूर्वी कोरोनाच्या रुग्णसंख्येने (corona new patients) पाचशेचा टप्पा पार केला होता. मात्र, आजच्या रुग्णसंख्येत लक्षणीय वाढ झाल्याने कोरोनाच्या नव्या रुग्णांचा आकडा ७७३ वर पोहोचला आहे. यापैकी ३७ रुग्णांना उपचारासाठी रुग्णालयात दाखल करण्यात आलं आहे. तसंच आज एकाही कोरोना रुग्णाचा (corona death) मृत्यू झाला नाही. त्यामुळे कोरोना मृतांची संख्या १९,५६७ स्थिरावली आहे.

मुंबई महापालिकेने दिलेल्या रिपोर्टनुसार, मुंबईत दिवसभरात ७६३ नव्या कोरना रुग्णांची नोंद करण्यात आलीय. त्यामुळे मुंबईतील कोरोनाच्या एकूण रुग्णांची संख्या १,०६८,००८ पोहोचली आहे. आज कोरोनाच्या नव्या ३७ रुग्णांना रुग्णालयात उपचारासाठी दाखल करण्यात आले आहे. तर १३६ रुग्ण हे उपचाराधीन आहेत.

दरम्यान, कोरोनाचे ३५२ रुग्णांना डिस्चार्ज मिळाला असून आतापर्यंत कोरोनाचे १,०४४,७०६ रुग्ण बरे होऊन घरी परतले आहेत. तसेच सक्रिय रुग्णांची संख्या ३७३५ वर पोहोचली आहे. मुंबईतील कोरोनातून बरे झालेल्या रुग्णांचा दर ९८ टक्क्यांवर पोहोचला असून रुग्ण दुपटीचा दर १५७६ दिवसांवर पोहोचला आहे.

Edited By - Naresh Shende