डोंबिवलीत मनसेचे खड्डे भरो आंदोलन...

प्रदीप भणगे

डोंबिवली : डोंबिवलीत Dombavali मनसेने आज खड्डे भरो आंदोलन केले. यावेळी सेना-भाजपवर BJP मनसेने टीका केली आहे. यावेळी मनसेच्या MNS कार्यकर्त्यांनी हातात घमेलं, फावडा घेऊन खड्डे बुजवत आंदोलन केले. डोंबिवली एमआयडीसी मधील रस्त्यांची दुरवस्था झाली आहे. वारंवार तक्रार करून सुद्धा प्रशासन आणि सत्ताधारी लक्ष देत नाही. MNS agitation in Dombivali

हे देखील पहा -

त्यासाठी मनसेने स्वखर्चातून डोंबिवली एमआयडीसी विभागात रस्त्यावर खड्डे भरो आंदोलन केले आहे. मनसे जिल्हा अध्यक्ष प्रकाश भोईर यांच्या नेतृत्वाखाली हे आंदोलन करण्यात आले. यावेळी त्यांनी सेना-भाजपवर टीका केली.

मनसे जिल्हा अध्यक्ष प्रकाश भोईर यांनी सांगितले की, डोंबिवली एमआयडीसी परिसरातील रस्ते दुरुस्तीसाठी ११० कोटी मंजूर झाल्याची घोषणा शिवसेनेचे खासदार डॉ.श्रीकांत शिंदे यांनी केली होती.ती फक्त बॅनरवरच आहे.सध्या रस्ते खड्डेमय झाले असून त्याचा त्रास नागरिकांना आणि वाहनचालकांना होत आहे. यासाठी मनसेने आज खड्डे भरो आंदोलन केले.

यावेळी मनसे पदाधिकारी दिपीका पेडणेकर, सरोज प्रकाश भोईर,सपना पाटील, मिलिंद म्हात्रे, संदीप म्हात्रे,सुदेश चुडनाईक,प्रकाश माने,योगेश रोहिदास पाटील,अरुण जाभळे आणि कार्यकर्ते उपस्थित होते.

Edited By - Shivani Tichkule