मुंबई : भाजपा नेते केंद्रीय मंत्री नारायण राणेंनी (narayan rane) सेनेचे (shivsena) सचिव मिलिंद नार्वेकर (milind narvekar) यांच्यावर वैयक्तिकरित्या टीका करुन त्यांची मातोश्रीवरचा बॉय म्हणून अवहेलना केली हाेती. राणेंच्या या वक्तव्यावर नार्वेकरांनी त्यांना एका गाेष्टीची आठवण करुन देत वाजली का नाही तुमच्या मेमरीची घंटी? असं प्रत्युत्तर दिलं आहे. (narayan rane latest marathi news)
राणेंनी (narayan rane) बुधवारी घेतलेल्या पत्रकार परिषदेत मिलिंद नार्वेकरांवर (milind narvekar) बाेचरी टीका केली. ते म्हणाले 'कोण ओ मिलिंद नार्वेकर?, पूर्वी मातोश्रीवर बॉयचे काम करायचे के काय?, हो, माझ्यासमोरचीच गोष्ट आहे. मी पाहिले आहे. बेल मारली की येस सर, काय आणू? असे म्हणणारा नेता बनला. काय अपग्रेडेशन स्पीड आहे.' राणे यांच्या या खोचक टिप्पणीला नार्वेकर यांनी प्रत्युत्तर दिले आहे.
नार्वेकरांनी ट्विट (tweet) करत राणे यांनी वैद्यकीय महाविद्यालयाच्या परवानगीसाठी किती वेळा दूरध्वनी केला याची आठवण करून दिली. नार्वेकर ट्विटमध्ये म्हणतात, ' बॉय का? अच्छा! स्वतःच्या मेडिकल कॉलेजसाठी साहेबांकडून (uddhav thackeray) परवानगी मिळावी म्हणून दिवसभरात सात वेळा फोन करून विनंत्या केल्याचं विसरलात? वाजली का नाही तुमच्या मेमरीची घंटी?' हे ट्विट करताना नार्वेकर राणेंना टॅग करायचे विसरलेले नाहीत.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
