रस्त्यांवरील वाहतूक कोंडी जीवघेणी ठरू लागलीय. मुंबई अहमदाबाद राष्ट्रीय महामार्गावर झालेल्या वाहतूक कोंडीमुळे १६ महिन्याच्या चिमुरड्याला जीव गमावावा लागलाय. तब्बल ५ तासांपासून रुग्णवाहिका वाहतूक कोंडीत अडकल्यामुळे लहान मुलाला आपला जीव गमवावा लागलाय.
सकाळपासूनच मुंबई-अहमदाबाद मार्गावर वाहतूक कोंडी सुरू होती. संध्याकाळनंतर ही वाहतूक कोंडी मोठ्या प्रमाणात वाढलीय. तब्बल 20 ते 25 किलोमीटर वाहनांच्या रांगा रस्त्यावर लागल्या आहेत. मुंबईकडून गुजरातकडे जाणाऱ्या तसेच गुजरातकडून मुंबईकडे येणाऱ्या अशा दोन्ही लेनवर वाहतुकीचा खोळंबा झालाय.
याच वाहनांमुळे रांगेत रुग्णवाहिका तब्बल ५ तासांपासून अडकली होती. त्यात असलेल्या १६ महिन्याच्या चिमुरड्याचा मृत्यू झालाय. मुलाचे हालचाल बंद झाल्यामुळे त्याला जवळच्या ससूनव घर गावातील छोट्या रुग्णालयात दाखवण्यात आले होते. त्याचवेळी डॉक्टरांनी त्याला मृत घोषित केले.
दरम्यान नायगावच्या चिंचोटी येथील गॅलेक्सी रुग्णालयात या लहान चिमुरड्यांवर उपचार सुरू होते, मात्र डॉक्टरांनी पुढील उपचारासाठी त्याला मुंबईच्या रुग्णालयात घेऊन जाण्यास सांगितले होते. त्यामुळे मुलाचे घरचे त्याला हॉस्पिटलमध्ये नेते होते. परंतु वाहतूक कोडींमुळे त्यांची रुग्णवाहिका वाटेत अडकून पडली होती.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.