Malad Fire News: मालाडमध्ये ८ मजली इमारतीला भीषण आग; १४ जण घुसमटले, तिघांची प्रकृती चिंताजनक

Mumbai News: Malad Building Caught Fire | मुंबईतील मालाड परिसरात असलेल्या एका ८ मजली इमारतीला मंगळवारी (ता.१६) सकाळी ९ वाजेच्या सुमारास अचानक आग लागली. धुराचे लोळ उठल्याने लहान मुलांसह १४ जणांचा दम घुसमटला.
Massive Fire Caught to Building in Mumbai's Malad Area; 14 People Are Injured
Massive Fire Caught to Building in Mumbai's Malad Area; 14 People Are InjuredSaam TV

Mumbai Malad building Fire News

मुंबईतील मालाड परिसरात असलेल्या एका ८ मजली इमारतीला मंगळवारी (ता.१६) सकाळी ९ वाजेच्या सुमारास अचानक आग लागली. बघता-बघता आगीने रौद्ररुप धारण केलं. आग लागल्याचं कळताच इमारतीतील नागरिकांनी बाहेर धाव घेतली. मात्र, धुराचे लोळ उठल्याने लहान मुलांसह १४ जणांचा दम घुसमटला. यातील ३ जणांची शुद्ध हरपल्याने त्यांना गंभीर दुखापत झाली. (Mumbai News)

Massive Fire Caught to Building in Mumbai's Malad Area; 14 People Are Injured
Salman Khans Firing Case: सलमान खानच्या घरावर गोळीबार करणारे आरोपी सापडले, दोघांना गुजरातमधून अटक

आगीची माहिती मिळताच अग्निशमन दलाचे जवान तातडीने घटनास्थळी दाखल झाले. इमारतीत अडकून पडलेल्या नागरिकांना बाहेर काढण्यात आलं. त्यानंतर अग्निशमन दलाच्या जवानांनी अथक प्रयत्न करीत आग आटोक्यात आणली. सुदैवाने या घटनेत कोणतीही जीवितहानी झाली नाही. मात्र, दम घुसमटल्याने १४ जण जखमी झाले.

त्यांना उपचारासाठी रुग्णालयात दाखल करण्यात आलं आहे. यातील ३ जणांची प्रकृती चिंताजनक असल्याचं सांगितलं जातंय. मुंबईतील (Mumbai News) मालाड परिसरात आठ मजली गिरनार गॅलेक्सी निवासी इमारत आहे. स्थानिकांनी दिलेल्या माहितीनुसार, मंगळवारी सकाळी ९ वाजेच्या सुमारास इमारतीच्या मीटर कॅबिनमध्ये अचानक विजेच्या ठिणग्या उडाल्या.

त्यामुळे मीटर कॅबिनला अचानक आग लागली. बघता-बघता आगीने रौद्ररुप धारण करत संपूर्ण इमारतीला विळखा घातला. आग लागल्याचं कळताच परिसरातील नागरिकांनी आरडाओरड सुरु केली. त्यामुळे इमारतीतील रहिवाशांनी जीवाच्या आकांताने बाहेर धाव घेतली.

आगीमुळे धुराचे लोळ उठल्याने जवळपास १४ जणांचा दम घुसमटला. काहींची तर शुद्ध देखील हरपली. दरम्यान, स्थानिकांनी या घटनेची माहिती अग्निशमन दलाला दिली. आग लागल्याचे कळताच अग्निशमन दलाचे बंब घटनास्थळी दाखल झाले. त्यांनी जीवाची बाजी लावून इमारतीतील रहिवाशांची सुखरुप सुटका केली. तसेच अथक प्रयत्न करत आग आटोक्यात आणली.

Massive Fire Caught to Building in Mumbai's Malad Area; 14 People Are Injured
Navi Mumbai News: स्विमिंग पुलात बुडून १७ वर्षीय विद्यार्थ्याचा मृत्यू; नवी मुंबईतील वाशी परिसरातील घटना

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com