MNS Mumbai: मराठी पाट्यांबाबत मनसेचा खळखट्याक! गुजराती दुकानांवर लावल्या मराठी पाट्या
मुंबई: मराठी भाषेवरुन राज्यात राजकारण नेहमीच तापत असतं. आता राज्य सरकारने महाराष्ट्रतील दुकानांची नावे हे मराठीतर हवेत असा निर्णय घेतला. त्यानंतर राज्यात श्रेयवादाची लढाई सुरु झाली. राज ठाकरेंच्या महाराष्ट्र नवनिर्माण सेनेनेही (MNS) मराठीसाठी अनेक आंदोलनं केली आहे. आता पुन्हा एकदा मनसेच्या कार्यकर्त्यांनी खळखट्याक करत मुंबईतील अनेक गुजराती दुकानांबाहेर मराठी पाट्या (marathi sign board) लावल्या आहेत. मुंबईच्या बोरीवली भागात मनसेने अनेक गुजराती दुकानांबाहेर मराठी पाट्या लावल्या.
हे देखील पहा -
मराठी पाट्यांच्या मुद्द्यावर मनसे आक्रमक झाली आहे. बोरिवली पश्चिम येथील गुजराती नाव असलेल्या दुकानाच्या बाहेर मराठी पाटी लावून महाराष्ट्र सैनिकांनी निषेध व्यक्त केला आहे. तसेच मराठीमधूनच पाटी लावण्यासंदर्भात मनसेने दुकानदारांना आवाहन केले आहे. मराठी पाट्यासंदर्भात निर्णय आल्यानंतर राज ठाकरेंनी सरकारवरचे अभिनंदन केले होते, परंतु मराठीसाठीचा संघर्ष हा मनसेने आणि महाराष्ट्र सैनिकांनी केला आहे, त्यामुळे त्याचे श्रेय घेण्याचा प्रयत्न कुणीही करु नये असा इशारा राज ठाकरेंनी विरोधकांना दिला होता. त्यानंतर मनसे कार्यकर्ते आक्रमक झाले आणि मराठी पाट्यांसाठी आंदोलन केले.
Edited By - Akshay Baisane
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.