Indian Railway: वंदे भारतच्या २४ फेऱ्या महाराष्ट्रातून, सर्वाधिक जाळं पुण्यात, वाचा कोणती Vande Bharat कुठून धावते?

देशातील सर्वात वेगवान ट्रेन म्हणजे वंदे भारत. वंदे भारत ट्रेनमुळे अनेकांच्या प्रवासाचा वेळ वाचला आहे. वंदे भारतमुळे कनेक्टिव्हिटी खूप जास्त प्रमाणात वाढली आहे. देशात अनेक ठिकाणांहून वंदे भारत ट्रेन धावत आहेत.दरम्यान,संसदेत मंत्री अश्विनी वैष्णव यांनी भारतातील वंदे भारत ट्रेनबद्दल माहिती दिली आहे.

अश्विनी वैष्णव यांनी सांगितले की, देशभरात सध्या १६४ वंदे भारत ट्रेन चालवल्या जात आहेत. यातील २४ वंदे भारत एक्सप्रेस या महाराष्ट्रातील स्थानकांवरुन जातात. यामध्ये त्या वेगवेगळ्या स्थानकांवरुन प्रवास करतात. यामुळे पुण्यातून जाणाऱ्या अनेक वंदे भारत एक्सप्रेसचचा समावेश आहे.

महाराष्ट्रातून जाणाऱ्या वंदे भारत (Vande Bharat Trains List)

२६१०१/२६१०२ पुणे-अजनी वंदे भारत एक्सप्रेस, ११ ऑगस्टपासून सुरु झाली असून आठवड्यातून सहा दिवस धावते.

२०१०१/२०१०२ नागपूर सिकंदराबाद वंदे भारत एक्सप्रेस, १९ सप्टेंबर २०२४ पासून सुरु, आठवड्यातून सहा दिवस धावते.

२०६६९/२०६७० हुबळी पुणे वंदे भारत एक्सप्रेस, १८ सप्टेंबर २०२४ पासून सुरु, आठवड्यातून तीनवेळा धावते.

२०६७३/२०६७४ कोल्हापूर-पुणे वंदे भारत एक्सप्रेस, १८ सप्टेंबर २०२४ पासून सुरु, आठवड्यातून तीन दिवस धावते.

२२९६१/२२९६२ मुंबई सेंट्रल-अहमदाबाद वंदे भारत एक्सप्रेस ९ मार्च २०२४ रोजी सुरु झाली. ही ट्रेन आठवड्यातून सहा दिवस धावते.

२०७०५/२०७०६ हाय स्पेस नांदेड-सीएसएमटी वंदे भारत एक्सप्रेस ३० डिसेंबर २०२३ रोजी सुरु, आठवड्यातून सहा दिवस धावते

२२२२९/२२२३० सीएसएमटी-मडगाव वंदे भारत एक्सप्रेस, २८ जून २०२३ रोजी सुरु, आठवड्यातून सहा दिवस धावते.

२०९११/२०९१२ इंदोर-नागपूर वंदे भारत एक्सप्रेस, २७ जून २०२३ रोजी सुरु झाली, आठवड्यातून सहा दिवस सेवा सुरु

२२२२३ / २२२२४ सीएसएमटी- साईनगर शिर्डी वंदे भारत एक्सप्रेस, ११ फेब्रुवारी २०२३ रोजी सुरु, आठवड्यातून सहा दिवस धावते.

२२२२५ /२२२२६ सीएसएमटी-सोलापूर वंदे भारत एक्सप्रेस, आठवड्यातून सहा दिवस सुरु

२०८२५/२०८२६ बिलासपूर-नागपूर वंदे भारत एक्सप्रेस, आठवड्यातून सहा दिवस धावते

२०९०१ / २०९०२ मुंबई सेंट्रल-गांधीनगर कॅपिटल वंदे भारत एक्सप्रेस, आठवड्यातून सहा दिवस धावते.

२०७०५/२०७०६ जालना-छत्रपती शिवाजी महाराज वंदे भारत एक्सप्रेस परभणीमार्गे असून ती एचएस नांदेडपर्यंत वाढवण्यात आली आहे.