Ravindra Dhangekar: काँग्रेसची साथ सोडणारे धंगेकर अजूनही 'जनतेच्या मनातील आमदार'; पुण्यात जोरदार बॅनरबाजी

पुण्यात ऑपरेशन टायगर राबवत काँग्रेसला धक्का दिल्यानंतर शिवसेना आणि काँग्रेसमध्ये पोस्टर वॉर सुरू झालाय. माजी आमदार रवींद्र धंगेकर यांच्या शिवसेना प्रवेशापासून सुरू झालाय. काँग्रेसची साथ सोडत माजी आमदार रवींद्र धंगेकरांनी शिवसेना एकनाथ शिंदे गटात रोजी प्रवेश केला. पक्षांतरानंतर काँग्रेस प्रदेशाध्यक्षांनी धंगेकर, काय होतास तू काय झालास तू म्हणत त्यांच्यावर टीका केलीय.

शिंदे गटात प्रवेश केल्यानंतर पुण्यातील शिंदेगटातील कार्यकर्त्यांमध्ये, पदाधिकाऱ्यांमध्ये अस्वस्थता असल्याचं म्हटलं जात होतं. पण पुण्यातील कसब्यात धंगेकर यांच्या बॅनरबाजी पाहून शिवसेनेत सर्वकाही आलबेल असल्याचं दिसत आहे. कसब्यात लावण्यात आलेल्या बॅनरमधील मजकूर चर्चेचा विषय ठरलाय. रवींद्र धंगेकर यांच्या समर्थकांकडून वाढदिवसानिमित्त बॅनरबाजी होताना दिसतेय. शिंदेगटात पक्षप्रवेश केल्यानंतर धंगेकरांचे पुण्यात बॅनर झळकले आहेत.

यात रवींद्र धंगेकर हे अजूनही जनतेच्या मनातील आमदार असल्याचं म्हटलंय. यातून भाजपवर बाण मारण्यात आली आहेत. विधानसभा निवडणुकीत भाजपच्या हेमंत रासने यांच्याकडून रवींद्र धंगेकर यांचा पराभव झाला होता. त्यामुळे या पोस्टरवरून आमदार रासने यांनाही टार्गेट करण्यात आलंय.

का सोडला काँग्रेस पक्ष?

एकनाथ शिंदे यांच्या शिवसेनेत प्रवेश केल्यानंतर रवींद्र धंगेकर यांनी काँग्रेस सोडण्यामागील कारण सांगितलं. काँग्रेस पक्षात १०-१२ वर्षांपासून या पक्षाबरोबर काम केलं. सर्वांनी माझ्यावर प्रचंड प्रेम केलं. पण सत्ता असल्याशिवाय काम होत नाहीत. कार्यकर्ते मतदारांचा आदर करूनच प्रवेश करणार, असे रवींद्र धंगेकर म्हणाले होते.

काय म्हणाले एकनाथ शिंदे

रवींद्र धंगेकर यांनी शिवसेनेत प्रवेश केल्यानंतर उपमुख्यमंत्री एकनाथ शिंदे यांनी हू इज धंगेकर असा डायलॉग मारला होता. लोकांना आता कळेल हू इज धंगेकर?” अशी मिश्किल टिप्पणी शिंदेंनी केली होती. रवींद्र धंगेकर पुण्यातील लोकप्रिय लोकनेते म्हणून ओळखले जातात. त्यांनी त्यांची ओळख कामाने निर्माण झालीय. यांच्या पोटनिवडणुकीवेळी धंगेकरांनी बाजी मारली होती. लोकसेवक काय असतो हे त्यांनी त्या विजयातून दाखवून दिलं होतं.