MNS News : बहुचर्चित ताडी दुकानावर मनसेने चालविला जेसीबी (पाहा व्हिडिओ)

Mavla News :

मावळच्या वडगाव शहरात गेली अनेक वर्षे सुरू असलेले ताडी विक्रीचे दुकान प्रशासकीय कारवाईची वाट न पाहता माजी उपनगराध्यक्षा सायली म्हाळसकर यांनी थेट मनसे स्टाईलने जेसीबीच्या सहाय्याने उद्धस्त केले. पेशवेकालीन तळ्याजवळ गेली अनेक वर्षे एका पत्र्याच्या शेडमध्ये ताडी विक्रीचा धंदा अविधरित्या सुरू होता. (Maharashtra News)

वडगाव शहरात दर गुरुवारी आठवडे बाजार भरताे. पेशवेकालीन तळ्याजवळ ताडी दुकान असल्याने मद्यधुंद अवस्थेत वावरत असणाऱ्या मद्यपींचा परिसरातील नागरिकांना नाहक त्रास सहन करावा लागत होता.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

त्यामुळे संबंधित धंदा तात्काळ बंद करावा, तसेच दुकान मालकाचा परवाना बंद करावा, अशी मागणी माजी उपनगराध्यक्षा सायली म्हाळसकर यांनी वडगाव नगरपंचायतीचे मुख्याधिकारी डॉ. प्रवीण निकम, राज्य उत्पादन शुल्क विभागाचे अधिकारी यांच्याकडे लेखी पत्राद्वारे केली होती.

दरम्यान, संबंधित ताडी विक्री दुकानाच्या परवान्याबाबत म्हाळसकर यांनी चौकशी केली असता नगरपंचायत प्रशासनाने संबंधित दुकानात ना हरकत प्रमाणपत्र, बांधकाम परवानगी किंवा कोणतीही नोंद नसल्याचे निदर्शनास आले. याशिवाय जिल्हाधिकाऱ्यांनी दिलेला परवाना सन २०२२ मध्येच संपुष्टात आला असल्याचे निदर्शनास आले होते..

Edited By : Siddharth Latkar