पुणे: या वर्षी मान्सूनचे (Monsoon) महाराष्ट्रात वेळेअगोदर आगमन होण्याचा अंदाज हवामान विभागाने व्यक्त केला होता, पण अजुनही राज्यात मान्सूनचे आगमन झालेले नाही. राज्यातील शेतकऱ्यांनी पेरणीसाठी शेतीची कामे करुन ठेवली आहेत, पण पावसाअभावी पेरणी केलेली नाही. हवामान विभागाने काल ' पुढील पाच दिवसात राज्यातील काही जिल्ह्यात विजांच्या कडकडाटासह पाऊस (Rain) पडण्याची शक्यता वर्तवली आहे. (Monsoon Latest Update)
पश्चिम किनार्‍यावर ऑफ-शोअर ट्रफ आणि पश्चिमेकडील वाऱ्यांच्या प्रभावाखाली, येत्या ५ दिवसांत राज्यातील काही जिल्ह्यांमध्ये विजांचा कडकडाट आणि सोसाट्याच्या वाऱ्यांसह वादळाची शक्यता आहे. येत्या ४ ते ५ दिवसांचे इशारे जवळपास सारखेच असल्याची माहिती हवामान विभागाने दिली आहे.
गेल्या काही दिवसापासून मान्सूनच्या (Monsoon) आगमनाची वाट शेतकरी पाहत आहेत. मध्य महाराष्ट्र, मराठवाडा आणि कर्नाटकच्या काही भागांमध्ये मान्सून पुढे सरकला आहे. तसेच तेलंगणा, पश्चिम बंगाल आणि बिहारच्या काही भागात सोमवारी पाऊस दाखल झाला आहे. यामुळे आता येत्या ४८ तासांमध्ये संपूर्ण मध्य महाराष्ट्र आणि मराठवाडा व्यापून विदर्भातील काही भागांमध्ये मान्सून दाखल होईल, असा अंदाज हवामान विभागाने वर्तवला आहे. (Monsoon Latest Update)
गेल्या दोन वर्षापासून मान्सूनचे वेळेत आगमन होत आहे, पण या वर्षी अजुनही पूर्ण क्षमतेने आगमन झालेले नाही. त्यामुळे राज्यातील शेतकऱ्यांनी अजुनही पेरमी केलेली नाही. राज्य सरकारनेही पेरणीसाठी शेतकऱ्यांनी गडबड करु नये, पाऊसाला पूर्ण क्षमतेने सुरूवात झाल्यानंतर पेरणी करण्याचे आवाहन राज्य सरकारने केले आहे. (Monsoon Latest Update)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
