Atal Setu Toll Free: अटल सेतूवरून जाणाऱ्या वाहनांना वर्षभर टोल फ्री; महापालिकेची निवडणूक होताच सरकारचा मोठा निर्णय

महापालिकेच्या निवडणुकांचा निकाल लागताच झालेल्या राज्य मंत्रिमंडळाच्या बैठकीत सरकारने मोठा निर्णय घेतलाय. सरकारने अटल सेतूच्या पथकरात आणखी एक वर्ष सवलत दिलीय. म्हणजेच काय अटल सेतूवरून जाणाऱ्या वाहनांना वर्षभर टोल फ्री प्रवास करता येणार आहे. मुंबई व नवी मुंबईला जोडणाऱ्या अटल बिहारी वाजपेयी शिवडी- न्हावाशेवा अटल सेतूच्या वापराकरता टोल फीमध्ये ५०टक्के सवलत देण्याचा निर्णय कायम ठेवण्यात आलाय. या पुलावरून ६०,००० वाहने धावतात.

बैठकीच्या अध्यक्षस्थानी मुख्यमंत्री देवेंद्र फडणवीस होते. तसेच ईलेक्ट्रीकल मोटार कार, बसेस यांनाही अटल सेतूच्या पथकरातून पूर्ण सूट देण्याबाबतचा मुद्दाही अधिसूचनेत समाविष्ट करण्यास मान्यता देण्यात आली. यामुळे ई- व्हेईकल्स धारक तसेच अन्य वाहनधारकांना दिलासा मिळणार आहे. राज्य मंत्रिमंडळाने ४ जानेवारी २०२४ रोजीच्या बैठकीत अटल सेतूच्या वापराकरिता पन्नास टक्के सवलत देण्याचा निर्णय घेतला होता. त्या निर्णयाप्रमाणेच पुढे १ जानेवारी २०२६ ते ३१ डिसेंबर २०२६ पर्यंत पथकर आकारण्यास मान्यता देण्यात आली. त्याचबरोबर इतर वाहनांकरिता एकेरी प्रवासाचा पथकर दर ही निश्चित करण्यात आले. ते पुढीलप्रमाणे आहेत.

असे असतील दर

वाहनांचा प्रकार शिवडी ते गव्हाण शिवडी आणि ते शिवाजीनगर शिवाजी नगर ते गव्हाण

१) मोटर, जीप- २५० रु.

व्हँन- २०० रू.

हलके मोटार वाहन -५० रू

२) हलके व्यावसायिक वाहन- ४००

हलके मालवाहू वाहन- ३२०

मिनी बस - ८०

३) ट्रक अथवा बस ( दोन आसांचे)- ८३०,६५५, १७० रुपये.

४) तीन आसांचे व्यावसायिक वाहनासाठी - ९०५, ७१५, १८५ रुपये.

५) अवजड बांधकाम यंत्रसामग्री - १३००

जमीन खोदाई यंत्रसामग्री - १०३०

अधिक आसांचे वाहन -२७०

६)अति अवजड वाहन - १५००

सात अथवा त्यापेक्षा अधिक आसांचे वाहन- १२५५ आणि ३२५ रुपये.