रुपाली बडवे
Mumbai News : राष्ट्रवादीच्या आमदारांनी मंत्रिपदाची शपथ घेऊन १० दिवस उलटले आहे. मात्र सर्व ९ मंत्री खात्यांविनाच आहे. खातेवाटत कधी होणार असा प्रश्न आता सर्वसामान्यांना पडला आहे. मात्र खातेवाटपामध्ये मतभेद असल्याची चर्चा सुरु आहे. मात्र आता खातेवाटपाचं गणित जुळलं असल्याची माहिती सूत्रांकडून मिळत आहे.
शिंदे गटातील ३ ते ४ मंत्र्यांची खाती राष्ट्रवादीकडे जाणार आहेत. तर भाजपाकडून ५ खाती राष्ट्रवादीला जाणार असल्याची माहिती सूत्रांकडून मिळत आहे. राष्ट्रवादीला ९ खाती दिल्यानंतर उर्वरीत मंत्रिमंडळ विस्तार होणार, तोपर्यंत नाही.
शिवसेनेचा मंत्री राजीनामा देणार असल्याची चर्चा राजकीय वर्तुळात होती. मात्र शिवसेनेचा कोणताही मंत्री राजीनामा देणार नसल्याची माहिती आहे. रात्री वर्षा बंगल्यावर झालेली बैठक जवळपास निर्णायक असल्याचं समजत आहे. (Latest Marathi News)
अजित पवार गटाला वाटाघाटीत ठरलेली खाती मिळत नसल्याने खातेवाटप रखडले असल्याची माहिती सूत्रांकडून मिळत आहे. भाजपने त्यांना ज्या खात्याबाबत आश्वासन दिले होते ती खाती मिळत नसल्याने अस्वस्थता पाहायला मिळत आहे.
अजित पवार गटाला अर्थ , गृह, जलसंपदा ही खाती देण्यास शिंदे गट आणि भाजपकडून विरोध होत आहे. याऐवजी महसूल किंवा ऊर्जा खाते देण्याची तयारी शिंदे आणि भाजपने दर्शवली असल्याची माहिती समोर येत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.