Maharashtra Assembly Election : भाजप - अजित पवार गटाचे अनेक नेते संपर्कात, रोहित पवार यांच्या दाव्याने वाढलं महायुतीचं टेन्शन?

सचिन जाधव, साम टीव्ही, प्रतिनिधी

भाजप आणि अजित पवार गटाचे अनेक लोक आमच्या संपर्कात आहेत, असा दावा शरद पवार गटाचे आमदार रोहित पवार यांनी केला आहे. त्यांच्या या दाव्याने महायुतीचं टेन्शन वाढू शकतं. पुण्यात आयोजित पत्रकार परिषदेत रोहित पवार असं म्हणाले आहेत.

काय म्हणाले रोहित पवार?

पत्रकार परिषदेत रोहित पवार म्हणाले आहेत की, ''अनेकजण आमच्या संपृक्त आहेत. मात्र निष्ठावंत यांना विसरून चालणार नाही. त्यांना पाठिंबा देऊ. महाराष्ट्र धर्म सोडून दिल्लीकरांची चाकरी ज्यांनी केली, त्यांना घेतलं जाणार नाही. रणनीती विषय असतात काही आकडा सागितले जातील. भाजप आणि दादा यांचे अनेक लोक संपर्कात आहेत.''

शरद पवार गट किती जागांवर निवडणूक लढवणार?

यावेळी पत्रकार परिषदेत पत्रकारांनी त्यांनी प्रश्न विचाराकला की, शरद पवार यांची राष्ट्रवादी विधानसभा निवडणुकीत किती जागा लढवणार? या प्रश्नाचे उत्तर देताना ते म्हणाले की, ''पवारसाहेब यांचं जेवढं वय आहे, तेवढे आमदार निवडून यावे, अशी आमची इच्छा आहे. आपल्या जागा जास्त निवडून याव्यात असं कार्यकर्त्यांना वाटतं. 85 जागा निवडून याव्यात, अशी आमची अपेक्षा आहे. त्यासाठी आम्ही प्रयत्न करू.''

लाडकी बहीण योजेनबद्दल बोलताना ते म्हणाले की, ''आमचा लाडकी बहीण योजनेला विरोध नाही, सतेत्त येण्यासाठी आम्ही जुगाड केला, असं काहीजण म्हणत होते. या आम्ही चांगला बदल घडून आणू. गुजरातचा विषय सोडून महाराष्ट्र विषयी विचार करू.''

महाविकस आघाडीचं सरकार आलं, तर तुम्ही मुख्यमंत्रीपदाचा चेहरा असणार का? असा प्रश्न त्यांना विचारला असताना, रोहित पवार म्हणाले की, ''कोण मुख्यमंत्री, कोण मंत्री विचार करण्यापेक्षा महायुती सरकार हद्दपार करायचं आहे. पदाचा विचार करण्यापेक्षा महायुतीला हद्दपार करण्याचा विचार केला पाहिजे, मुख्यमंत्रीपदासाठी कष्ट करावे लागतील, प्रेमापोटी कार्यकर्त्यांनी पोस्टर लावले असतील.''