Maharashtra Assembly Budget Session 2023: राज्याचे अर्थसंकल्पीय विधीमंडळ अधिवेशन विविध कारणांनी चांगलेच गाजत आहे. संजय राऊत यांच्या आक्षेपार्ह वक्तव्यानंतर सत्ताधारी चांगलेच आक्रमक झाल्याचे पाहायला मिळाले. विरोधकांनीही मुख्यमंत्री एकनाथ शिंदे यांनी केलेल्या राष्ट्रद्रोही या वक्तव्यावर आक्षेप घेत त्यांच्याविरोधात हक्कभंगाच्या कारवाईची मागणी केली असतानाच आता सत्ताधाऱ्यांकडूनही अजित पवारांवर हक्कभंगाच्या कारवाईची मागणी करण्यात आली आहे. (Maharashtra Poliitics)
विरोधकांकडून मुख्यमंत्र्यांच्या देशद्रोही या वक्तव्यावरून हक्कभंगाची सुचना देण्यात आल्यानंतर आता सत्ताधाऱ्यांनाकडून देखील हक्कभंगाची सुचना देण्यात आली आहे. अजित पवार (Ajit Pawar) यांच्या महाराष्ट्रद्रोही या वक्तव्यावर सत्ताधाऱ्यांनी आक्षेप घेतला असून विधान परिषदेत प्रवीण दरेकर यांनी हक्कभंगाच्या सुचनेच पत्र उपसभापतीना दिले आहे. त्यामुळे अधिवेशनात या मुद्द्यावरुन नवा गोंधळ झाल्याचे पाहायला मिळत आहे.
दरम्यान, विरोधकांनी देशद्रोही या शब्दावर आक्षेप घेतल्यानंतर मुख्यमंत्र्यांनी त्यांच्या या वक्तव्यावर पहिल्यांदाच खुलासा केला. "सदस्यांनी परिषदेत माझा विरोधात जो हक्कभंग आणला आहे. ते वक्तव्य विरोधीपक्ष नेते यांच्याबाबत नव्हते. नवाब मलिक यांचे संबध देशद्रोहाचा गुन्हा दाखल असलेल्या व्यक्तींशी होते, मी त्यांच्याबद्दल बोललो होतो," असे स्पष्टिकरण त्यांनी यावेळी दिले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.