Chinchwad By Election: 'त्यामुळेच चिंचवडमध्ये पराभव...' अजित पवारांनी दिली प्रतिक्रिया; कोणावर फोडले खापर?

Pune By Election Result: विरोधीपक्ष नेते अजित पवार यांनी संपूर्ण ताकद लावूनही या ठिकाणी राष्ट्रवादीचे उमेदवार नाना काटे यांना पराभव स्विकारावा लागला आहे.
Ajit Pawar
Ajit PawarSaam TV

Chinchwad By Election Result: भाजपचा बालेकिल्ला म्हणून ओळख असलेल्या कसबा मतदार संघ भाजपच्या हातून निसटला आहे. कॉंग्रेसचे उमेदवार रवींद्र धंगेकर हे विजयी झाले आहेत. एकीकडे कसब्यामध्ये ऐतिहासिक विजय मिळवला असतानाच चिंचवडमध्ये मात्र महाविकास आघाडीला पराभव स्विकारावा लागला आहे.

विरोधीपक्ष नेते अजित पवार यांनी संपूर्ण ताकद लावूनही या ठिकाणी राष्ट्रवादीचे उमेदवार नाना काटे यांना पराभव स्विकारावा लागला आहे. या पराभवानंतर अजित पवार यांनी पहिली प्रतिक्रिया दिली आहे. (Chinchwad By Election)

Ajit Pawar
Abhijeet Bichukale : कसब्यातील पराभवावर अभिजीत बिचकुले म्हणाले उदयनराजेंनी... (पाहा व्हिडीओ)

काय म्हणाले अजित पवार...

चिंचवडमधील पराभवानंतर अजित पवारांनी (Ajit Pawar) माध्यमांशी संवाद साधला. यावेळी त्यांनी कसब्यातील विजयाची आणि चिंचवडमधील पराभवाची कारणे सांगितली. "कसब्यात आणि चिंचवडमध्ये मी प्रचार करत होतो. चिंचवडमध्ये प्रचार करत असताना मला काही माहिती येत होती. राहुल कलाटे यांना सत्ताधारी कशी मदत करत होते, याची मला माहिती येत होती."

"सत्ताधाऱ्यांनी कलाटे यांना मदत केल्यामुळेच आमचा पराभव झाला. मी कलाटे यांना उमेदवारी अर्ज मागे घेण्याचं अनेकवेळा आवाहन केलं होतं. आता नानाला संधी देऊ असं मी त्यांना सांगितलं होतं. पण त्यांनी ऐकलं नाही," असं अजित पवार म्हणाले.

Ajit Pawar
Ravindra Dhangekar Won: कसब्यात रवींद्र धंगेकरांनी बाजी मारल्यानंतर दिली पहिली प्रतिक्रिया; म्हणाले, 'आजचा विजय...'

याबद्दल पुढे बोलताना त्यांनी "कलाटे आणि नाना काटे यांची मते पाहिली तर ती मते भाजपच्या उमेदवारांपेक्षाही अधिक आहे. बंडखोरी झाली नसती तर चित्रं वेगळं दिसलं असतं. मागच्यावेळी कलाटेंना लाखभर मते मिळाली. पण यावेळी त्यांना ती मते मिळाली नाहीत. पण त्यांनी स्वत:ची मते घेतली. त्यामुळे राष्ट्रवादीच्या उमेदवाराचा पराभव झाला," असेही अजित पवार म्हणाले.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com