Mumbai News: देवतारी त्याला कोण मारी! चौदाव्या मजल्यावरून कोसळली मुलगी, मात्र केसालाही धक्का लागला नाही

>> मयूर राणे

Mumbai News:

देव तारी त्याला कोण मारी ही म्हणीची प्रचिती पुन्हा एकदा आली आहे. कुर्ल्यात एक १३ वर्षीय मुलगी थेट चौदाव्या मजल्यावरून खाली कोसळली. परंतु तिच्या हाताला किरकोळ दुखापत वगळता मोठी इजा झाली नाही. इतक्या उंचीवरून पडून तिचा जीव वाचला आहे, त्यामुळे याची मोठी चर्चा ही होत आहे.

सखीरा इस्माईल शेख असे या मुलीचे नाव असून ती तिच्या कुटुंबासह कुर्ला नेहरू नगर येथील मिडासभूमी हार्मोनी या सतरा मजली इमारतीमध्ये चौदाव्या मजल्यावरील घरात राहतात. वाढदिवसाला आलेल्या भेटवस्तू घेऊन सखीरा ही घराच्या खिडकीजवळ खेळत होती.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

घरातील इतर सदस्य हे टीव्ही पाहत होते. अचानक खेळताना खिडकीतून सखीराचा तोल गेला आणि ती चौदाव्या मजल्यावरून खाली कोसळली. मात्र कोसळत असताना झाडांच्या फांद्या आणि इमारती खालील शेडच्या पत्र्याला ती धडकत खाली कोसळली. (Latest Marathi News)

मुलगी इमारती खाली पडल्याचे कळताच संपूर्ण कुटुंबाच्या काळजात धस्स झाले. ते इमारतीच्या खाली पळाले. मात्र त्यांना तिथले दृश्य पाहून आश्चर्याचा धक्का बसला. सखीराला थोडीफार हाताला दुखापत झाली होती. मात्र ती एकदम सुरक्षित होती.

तिच्या कुटुंबाने तिला सायन येथील टिळक रुग्णालयात उपचारासाठी दाखल केले. तिथे तिच्यावर उपचार करण्यात आले असून आता ती एकदम सुरक्षित आहे.