संपूर्ण महाराष्ट्राचं लक्ष लागून असलेल्या पुण्यातील कसबा आणि चिंचवड पोटनिवडणुकीसाठीची आज मतमोजणी पार पडणार आहे. सकाळी ८ वाजेपासून या मतमोजणीला सुरूवात होणार आहे. या निवडणुकीत दिग्गजांची प्रतिष्ठा पणाला लागली आहे. दोन्ही जागांवर आपलाच उमेदवार विजयी व्हावा यासाठी भाजपच्या केंद्रीय मंत्र्यांपासून ते राज्याच्या मुख्यमंत्र्यांपर्यंत अगदी सर्वांनीच मोठा प्रचार केला होता. दुसरीकडे महाविकास आघाडीचे अनेक दिग्गज नेत्यांनी सुद्धा प्रचारात सहभाग घेतला होता. त्यामुळे या दोन्ही जागेवरील निवडणुका चांगल्याच गाजल्या होत्या. दरम्यान, आज या निवडणुकीचा निकाल जाहीर होणार असून मतपेट्यांमधून कोण बाजी मारणार याकडे राज्याचे लक्ष लागले आहे.