कल्याणच्या शीळ फाटा रोडवर भीषण अपघात
घंटागाडीने दुचाकीला धडक दिली
दुचाकीस्वार गंभीर जखमी असून उपचार सुरु आहेत
अपघाताचा व्हिडिओ सोशल मीडियावर व्हायरल झाला आहे
निष्काळजी चालकावर गुन्हा दाखल करण्यात आला आहे
संघर्ष गांगुर्डे, कल्याण प्रतिनिधी
कल्याणमध्ये भीषण अपघात घडला आहे. कल्याणच्या शीळ फाटा रोडवरील टाटा पॉवर परिसरात घंटा गाडीने दुचाकीस्वाराला जोरदार धडक दिली आहे. या धडकेत दुचाकीस्वार गंभीर जखमी झाला असून बाईकचा चक्काचूर झाला आहे. याप्रकरणी पोलिसांत तक्रार दाखल केली असून या घटनेचा व्हिडिओ सोशल मीडियावर व्हायरल होत आहे.
मिळालेल्या माहितीनुसार, काल सकाळच्या सुमारास कल्याणच्या शीळ रोड परिसरात घंटागाडी कचरा संकलनासाठी जात होती. या दरम्यान समोरून येणाऱ्या दुचाकीला घंटागाडीच्या चालकाने धडक दिली. या धडकेत दुचाकीस्वार गंभीर जखमी झाला. त्याची गाडी देखील घंटागाडीच्या चाकाखाली दबली गेली. आजूबाजूच्या नागरिकांनी गंभीर दुचाकीस्वाराला तातडीने जवळच्या रुग्णालयात दाखल केले.
या घटनेनंतर घटनास्थळी मोठ्या प्रमाणावर गर्दी झाली होती. या भीषण घटनेचा व्हिडिओ सोशल मीडियावर झपाट्याने व्हायरल होत आहे. कल्याणचा शीळ रोड कायम गजबजलेला असतो. या रोडवर मोठ्या प्रमाणावर वाहतूक कोंडी होते. तसेच अपघातही घडतात. त्यामुळे स्थानिक नागरिकांनी प्रशासनाकडे मागणी केली आहे की, निष्काळजीपणे वाहन चालवणाऱ्यांवर कठोर कारवाई करावी.
दरम्यान केडीएमसी घंटागाडीच्या चालकावर गुन्हा दाखल करण्यात आला आहे. या अपघातामुळे केडीएमसीच्या वाहनचालकांच्या निष्काळजीपणावर नागरिकांनी तीव्र नाराजी व्यक्त केली आहे. तसेच कल्याण परिसरात वाहतुकीच्या सुरक्षेबाबत आणि महानगरपालिकेच्या वाहनांच्या जबाबदारीबाबत पुन्हा एकदा प्रश्नचिन्ह उभे राहिले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.