कल्याण-वालधुनी परिसरात ट्रकचालकाला मारहाण
तरुणांच्या मध्यस्थीने सुटका
व्हिडिओ व्हायरल
कल्याणच्या वालधुनी परिसरातून मारहाणीची धक्कादायक घटना उघडकीस आली आहे. ट्रक आणि चारचाकी वाहनांमध्ये किरकोळ कारणावरून वाद पेटला. या वादातून काही तरुणांनी ट्रकचालकाला बेदम मारहाण केली. यामुळे परिसरात काही काळ तणावाचं वातावरण निर्माण झालं आहे. या संपू्र्ण प्रकाराचा व्हिडिओ सोशल मीडियावर व्हायरल झाल्याने परिसरात एकच खळबळ उडाली आहे.
मिळालेल्या माहितीनुसार, कल्याणचा वालधुनी परिसर म्हणजे वर्दळीचं ठिकाण. घटनेच्या दिवशी ट्रक चालक आणि चारचाकी रस्त्यावरून जात होते. ट्रकचा चारचाकीला हलका धक्का लागला. यामुळे दोन्ही वाहनचालकांमध्ये वाद सुरू झाला. वाद अधिक वाढताच वाढत गेला. दरम्यान, घटनास्थळी उपस्थित असलेले काही आक्रमक तरूणांनी ट्रकचालकाला घेरून मारहाण करण्यास सुरूवात केली.
ट्रक चालकाला कपडे फाटेपर्यंत मारहाण केली. अचानक झालेल्या हल्ल्यामुळे ट्रक चालक काही वेळ गोंधळला, घाबरलेला दिसत होता. दरम्यान, घटनास्थळी प्रकरण अधिक चिघळल्यानंतर काही स्थानिक तरूणांनी तत्परता दाखवली. तसेच मध्यस्थी करून ट्रक चालकाला वाचवण्याचा प्रयत्न केला. संतप्त युवकांना शांत करत ट्रकचालकाची सुटका केली.
दरम्यान, तरूणांनी योग्य वेळी केलेल्या हस्तक्षेपामुळे मोठा अनर्थ टळला. या प्रकरणी पोलीस काय अॅक्शन घेणार? हे पाहणं आता महत्वाचं ठरेल. या प्रकरणाचा व्हिडिओ सोशल मीडियात व्हायरल होत असून, स्थानिक नागरिकांनी संताप व्यक्त केला आहे. या घटनेनंतर परिसरात खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.