अभिजीत देशमुख, साम टीव्ही प्रतिनिधी
कल्याण : रेल्वेच्या तिकीट काउंटरवर सुट्ट्या पैशांवरून तिकीट बुकिंग क्लार्क आणि प्रवाशांमध्ये अनेकदा वाद झाल्याचे पाहायला मिळतात. बुकिंग क्लार्क सुट्टे पैसे आणल्याशिवाय तिकीट द्यायला तयार नसतो. त्यामुळे याच सुट्ट्या पैशांवरून झालेले वाद पोलीस ठाण्यापर्यंतही पोहोचले आहेत. अशाच प्रकारचा एक वाद कल्याण रेल्वे स्टेशनवरही घडल्याचे समोर आले आहे.
सुट्ट्या पैशांवरून वाद झाल्यानंतर प्रवाशाने थेट तिकीट महिला बुकिंग क्लार्कला मारहाण केल्याची घटना कल्याण रेल्वे स्टेशनवर घडली. या मारहाणीत तिकीट बुकिंग क्लार्क गंभीर जखमी झाल्याची घटना समोर आली आहे. या घटनेने महिला रेल्वे कर्मचाऱ्यांचा सुरक्षेचा प्रश्न समोर आला आहे.
मिळालेल्या माहितीनुसार, कल्याण रेल्वे स्टेशनवर आज शुक्रवारी तिकीट काढताना सुट्या पैशांवरून झालेल्या वादात महिला बुकिंग क्लार्कला बेदम मारहाण केल्याची घटना घडली आहे. या मारहाणीत या महिलेला गंभीर दुखापत झाली आहे. तसेच तिला उपाचारासाठी रुग्णालयात दाखल केलं आहे. पोलिसांनी या प्रकरणी कल्याण रेल्वे पोलिसांनी अन्सार शेख या तरुणाला ताब्यात घेत पुढील तपास सुरु केला आहे.
मिळालेल्या महितीनुसार, कल्याण रेल्वे स्थानकावरील तिकिट काउंटर येथील तिकीट वेंडिंग मशीनवर एक प्रवासी तिकीट काढत असताना सुट्टे पैसे नसल्याने तिकीट काउंटरवर गेला. मात्र तिकीट काउंटरवरील महिला बुकिंग क्लार्कशी त्याचा वाद झाला. या वादाचे रुपांतर हाणामारीत झाले. या हाणामारीत महिला बुकिंग क्लार्कला बेदम मारहाण केली.
या मारहाणीत महिला कर्मचाऱ्याला गंभीर दुखापत झाली आहे. तिला उपचारासाठी रुग्णालयात दाखल करण्यात आले आहे. कल्याण रेल्वे पोलिसांनी या प्रकरणी तत्काळ कारवाई करत मारहाण करणाऱ्या प्रवासी अन्सार शेख याला ताब्यात तपास सुरू केला आहे. या घटनेनंतर रेल्वे स्थानकावरील तिकीट बुकिंग कार्यलयातील कर्मचाऱ्यांच्या सुरक्षिततेचा प्रश्न ऐरणीवर आला आहे. या घटनेनंतर महिला बुकिंग क्लार्कना सुरक्षा पुरवण्याची मागणी करण्यात आली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.