VIDEO: पुण्यानंतर कल्याण बनतेय 'उडता पंजाब', ढाब्यांच्या नावाखाली खुलेआम हुक्का पार्लर सुरू

कल्याणमधून (Kalyan) मोठी बातमी समोर आली आहे. कल्याणमध्ये ढाब्यांच्या नावाखाली खुलेआम हुक्का पार्लर (Hookah Parlours) सुरू आहे. तरुणाई नशेच्या विळख्यात अडकल्याचे चित्र पाहायला मिळाले. पहाटे पाच वाजेपर्यंत हे हुक्का पार्लर सुरू असतात अशी माहिती समोर आली आहे. हुक्का पार्लरमधील व्हिडीओ सोशल मीडियावर व्हायरल होत आहे. कल्याणमधील बिर्ला कॉलेजपासून काही अंतरावर असलेल्या हुक्का पार्लरचा हा व्हिडिओ असल्याची प्राथमिक माहिती समोर आली आहे.

रात्रभर कल्याण परिसरातील हे हुक्का पार्लर सुरू असताना देखील पोलिस आणि कल्याण-डोंबिवली महानगरपालिका अनभिज्ञ असल्याचे दिसून येत आहे. पुण्यातील ड्रग्ज पार्टीनंतर मुख्यमंत्री एकनाथ शिंदे यांनी बेकायदेशीर हॉटेल, पब आणि बारवर कारवाई करण्याचे आदेश दिले होते. मात्र कल्याण-डोंबिवलीत अद्याप कारवाई होत नसल्याचे दिसून येत आहे.