Kalyan Crime News: धक्कादायक! तलवारीने हल्ला करत हॉटेल मॅनेजरला लुटले; दीड लाखाची रोकड लंपास

अभिजित देशमुख, प्रतिनिधी...

Kalyan Crime News: प्राणघातक हल्ला करत हॉटेल मॅनेजरला लुटल्याचा धक्कादायक प्रकार कल्याणमधील नांदिवली परिसरात घडला आहे. भीमा सिंग असे जखमीचे नाव तरुणाचे नाव असून त्यांच्याकडील दीड लाख रोकड व स्कूटी घेवून हल्लेखोर पसार झालेत. या प्रकाराने परिसरात एकच खळबळ उडाली आहे..

याबाबत अधिक माहिती अशी की, कल्याणच्या नांदिवली परिसरात धक्कादायक घटना घडली आहे. डोक्यावर तलवारीने प्राणघातक हल्ला करत हॉटेल मॅनेजरला लुटल्याचे उघडकीस आले आहे. मॅनेजरच्या हातातील दीड लाख रोकड व स्कूटी घेवून दोन हल्लेखोर पसार झाले आहेत. या जीवघेण्या हल्ल्यामध्ये भीमा सिंग हा तरुण जखमी झाला आहे. (Kalyan Crime News)

जखमी हॉटेल मॅनेजरवर रुग्णालयात उपचार सुरू आहेत. या हल्ल्याआधी हातात तलवार घेवून फिरणारे आरोपी सीसीटीव्हीत कैद झाले आहेत. त्यावरुन कल्याण कोळशेवाडी पोलिसांनी तपास सुरू केला आहे. (Latest Marathi News)