- सुशील थोरात
Nagar News : भाजप आमदार राम शिंदे (mla ram shinde) यांना धमकी दिल्याप्रकरणी जामखेड पोलीस ठाण्यात (jamkhed police station) एकावर गुन्हा दाखल झाला आहे. दरम्यान धमकी देणारा संशयित हा राष्ट्रवादी काॅंग्रेसचे आमदार रोहित पवार (mla rohit pawar) यांचा समर्थक असल्याची प्राथमिक माहिती उपलब्ध झाली आहे. (Maharashtra News)
जामखेड पोलिसांनी दिलेल्या माहितीनूसार आमदार राम शिंदे यांना एका युवकाने धमकी दिली. त्याबाबतची फिर्याद अमित चिंतामणी यांनी पाेलिस ठाण्यात दिली. यामध्ये शिवीगाळ करणे, दोन गटात तेड निर्माण करणे, तसेच जीवे मारण्याची धमकी दिल्या प्रकरणी सागर गवसणे या संशियताच्या विरोधात (कलम 504, 505-2, 506-2) गुन्हा दाखल करण्यात आला आहे.
दरम्यान धमकी देणारा सागर गवसणे हा राष्ट्रवादीचे आमदार रोहित पवार यांचा समर्थक असल्याचे समजते. गवसणे याने समाज माध्यमातून लाईव्ह करीत धमकी दिली. तसेच धमकीचा व्हिडिओ सोशल मीडियावर व्हायरल केला.
यामध्ये त्याने आमदार राम शिंदे आणि अमित चिंतामणी या दोघांना धमकी दिली. यापुर्वी देखील सागर गवसणे याच्यावर अनेक गुन्हे दाखल असल्याची माहिती पाेलिसांकडून मिळाली.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.