GST चे सहआयुक्त कालपासून बेपत्ता; कुटुंबियांनी दिली हरवल्याची तक्रार

मुंबई : GST चे सह आयुक्त राजेसाहेब माने 55 हे बुधवारी दुपारपासून बेपत्ता असल्याने खळबळ उडाली आहे. याप्रकरणी बुधवारी रात्री भायखळा पोलिसांनी (Byculla police) त्यांच्या कुटुंबियाच्या तक्रारीवरून बेपत्ता झाल्याप्रकरणी नोंद करत अधिक तपास सुरु आहे.

कांदिवली (Kandivali) येथे राहात असलेले राजेसाहेब माने 55 हे GST विभागात सहआयुक्त (Joint Commissioner) म्हणून कार्यरत आहेत. नेहमीप्रमाणे बुधवारी सकाळी ते माझगाव येथील जीएसटी भवनमधील कार्यालयात हजर झाले. दुपारी पावणे दोनच्या सुमारास ते कार्यालयातून बाहेर पडले. त्यानंतर ना ते कार्यालयात परतले. ना घरी पोहचले. माने यांचा संपर्क होत नसल्याने कुटुंबियांनी त्यांचा सर्वत्र शोध घेतला. मात्र ते न सापडल्याने अखेर कुटुंबियांनी भायखळा पोलीस ठाणे गाठून माने हरवल्याची तक्रार दिली आहे.

Edited By - Jagdish Patil