VIDEO: हिंमत असेल तर राजीनामा द्या, NEET घोटाळ्यावरून जितेंद्र आव्हाडांचे अजित पवारांना चॅलेंज

राष्ट्रवादी काँग्रेसच्या गोटातून मोठी बातमी समोर येत आहे. नीट घोटाळ्यावरून (NEET Scam) राष्ट्रवादी काँग्रेस शरद पवार गटाचे नेते जितेंद्र आव्हाड (Jitendra Awhad) आक्रमक झाले आहेत. नीट घोटाळ्यावरून जितेंद्र आव्हाड यांनी उपमुख्यमंत्री अजित पवार (Ajit Pawar) यांच्या राजीनाम्याची मागणी केली आहे. विद्यार्थ्यांची भेट घेण्यापेक्षा केंद्रीय शिक्षणमंत्र्यांचा राजीनामा घ्या किंवा तुम्ही राजीनामा द्या, अशी मागणी जितेंद्र आव्हाड यांनी केली आहे. पुणे आणि मुंबईतील नीट परीक्षेच्या विद्यार्थ्यांची भेट घेऊ असे पत्रकार परिषद घेत अजित पवार यांनी सांगतिले होते. 'विद्यार्थ्यांची भेट कसली घेतायत. असं विद्यार्थ्यांच्या आयुष्याशी खेळू नका. मी याला भेटतो त्याला भेटतो त्यापेक्षा हिंमत असेल तर राजीनामा द्या.' यावेळी नीट परीक्षा घोटाळ्यावरून जितेंद्र आव्हाड यांनी केंद्र सरकारवर देखील जोरदार हल्लाबोल केला आहे.