Mumbai Crime News : मुंबई-जयपूर एक्सप्रेसमधील गोळीबाराचं रहस्य उलगडलं; पोलीस तपासात धक्कादायक माहिती उघड

सचिन गाड

Jaipur-Mumbai Express Firing Update :

जयपूर-मुंबई एक्स्प्रेस गोळीबारप्रकरणी बडतर्फ आरपीएफ कॉन्स्टेबल चेतनसिंग चौधरीविरुद्ध मुंबई पोलिसांनी आरोपपत्र दाखल केले आहे. चौधरी याच्यावर 31 जुलै रोजी चालत्या ट्रेनमध्ये आपल्या वरिष्ठ सहकाऱ्यांची आणि तीन प्रवाशांची गोळ्या झाडून हत्या केल्याचा आरोप आहे.

मात्र चेतनसिंग चौधरीने फायरिंग का केली याचं धक्कादायक कारण देखील आता समोर आलं आहे. प्रत्यक्षदर्शींनी दिलेल्या जबाबात मोठा उलगडा झाला आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जयपूर-मुंबई एक्सप्रेसमधील गोळीबाराचं रहस्य उलगडलं आहे. २६/११ मुंबई हल्ल्याचा बदला म्हणून चेतनसिंहने तीन मुस्लीम बांधवांची हत्या केली आहे. ट्रेनमध्ये असताना आरोपी चेतनसिंह चौधरी याबाबत बरळत होता. प्रत्यक्षदर्शींना याबाबत माहिती दिली आहे.

पोलिसांना कोणत्याही निष्कर्षापर्यंत पोहोचण्यापूर्वी 150 हून अधिक साक्षीदारांच्या साक्ष नोंदवल्या आहेत. साक्षीदारांच्या साक्षीशिवाय, तपासकर्त्यांनी ट्रेनच्या आतील सीसीटीव्ही फुटेजवर देखील पाहिले. जिथे चेतनसिंह आपलं टार्गेट शोधताना दिसत आहे. व्हिडीओमध्ये आरोपी मुस्लीम आणि पाकिस्तानबद्दल अनेक अपशब्द बोलत असल्याचे ऐकू येत आहे.

आरोपीची मानसिकस्थिती स्थीर

आरोपीविरोधात पोलिसांनी जवळपास १००० पानांचं आरोपपत्र दाखल केलं आहे. आरोपपत्रात आरोपीच्या बिघडलेल्या मानसिक स्थितीचा कुठेही उल्लेख नाही. सुरुवातीला आरोपी चेतनसिंग रागीट आणि मानसिकदृष्ट्या अस्थिर असल्याचे बोलले जात होते.