'मलिक निर्दोष सुटले तर मुख्यमंत्री बनवा, पण आता राजीनामा घ्या'

सुशांत सावंत -

मुंबई : 'द काश्मीर फाईल्स' आणि पावनखिंड हे दोन्ही सिनेमे टॅक्स फ्री करावे यासाठी 92 आमदारांनी सह्य़ा करुन मुख्यमंत्र्यांनाकडे मागणी केली असल्याची माहिती भाजप नेते सुधीर मुनगंटीवार (Sudhir Mungantiwar) यांनी पत्रकारांना दिली.

यावेळी त्यांनी प्रवीण दरेकरांवरती (Pravin Darekar) करण्यात आलेल्या कारवाई म्हणजे, या सरकारला सुचलेली विनाशकाले विपरीत बुद्धी असल्याचं म्हणाले. तसंच या सरकारने धमक्या देण्याचे कार्यक्रम सुरू केला असून सूडनाट्याचा कार्यक्रम यांचा सुरू झाले आहे. भ्रष्टाचार करणाऱ्यांना समन्स जाहीर व्हायचा पण ज्यांनी भ्रष्टाचार उघड केला त्या देवेंद्र फडणवीस यांना यांनी समन्स दिला हे इतिहासात पहिल्यादा घडत आहे. सरकारचे सूड घेणारं रूप सामान्य व्यक्ती जाणत आहे असही मुनगंटीवार म्हणाले.

दरम्यान, राज्य सरकारने नवाब मलिक (Nawab Malik) यांचा राजीनामा घेणे गरजेचे आहे. जाणून बुजून माहिती असताना जमीन खरेदी झालेली असेल आणि कोर्टाने अजून जामीन दिला नाही तर त्यांचा राजीनामा घ्यायला हवा जर ते निर्दोष सुटले तर तुम्ही त्यांना मुख्यमंत्री बनवलं तरी चालेल पण आता राजीनामा घ्यायला हवा असही ते म्हणाले.

Edited By - Jagdish Patil