मुंबई : मुंबईतून मोठी बातमी समोर आली आहे. मुंबईत आयएएस अधिकारी विकास रस्तोगी यांच्या मुलीने इमारतीवरुन उडी घेत जीवन संपवलं आहे. मंत्रालयासमोरील इमारतीवरुन या तरुणीने उडी घेत आत्महत्या केली. या घटनेने परिसरात एकच खळबळ उडाली आहे.
मुंबईत आयएएस अधिकारी विकास रस्तोगी यांच्या मुलीने आत्महत्या केल्याची घटना घडली आहे. मुंबईतील सुनीती नावाच्या इमारतीवरुन उडी घेऊन तरुणीने आत्महत्या केली आहे. मंत्रालय परिसरातील या घटनेने एकच खळबळ उडाली आहे.लिपी रस्तोगी असे तरुणीचे नाव आहे. लिपी ही कायद्याचे शिक्षण घेत होती. लिपी रस्तोगीच्या आत्महत्येचं पाऊल उचलण्यामागचं कारणही समोर आलं आहे.
सूत्रांकडून मिळालेल्या माहितीनुसार, महाराष्ट्र कॅडरचे आएएएस अधिकारी विकास रस्तोगी यांच्या घरात आत्महत्या करण्यापूर्वी चिठ्ठी देखील सापडली आहे. रस्तोगी यांच्या मुलीचं वय २७ वर्ष आहे. विकास रस्तोगी सध्या शिक्षण विभागाचे सचिव आहेत.
आज सोमवारी सकाळी चार वाजता १० मजली इमारतीवरून उडी घेतली. या घटनेत तरुणीचा मृत्यू झाला आहे. उडी घेतल्यानंतर तरुणीला तातडीने जीटी रुग्णालयात दाखल करण्यात आलं. त्यानंतर जीटी रुग्णालयात डॉक्टरांनी तिला मृत घोषीत केलं. लिपीच्या मृत्यूने कुटुंबाला मोठा धक्का बसला आहे. लिपीच्या पार्थिवावर १ वाजता चंदनवाडी स्मशानभूमीवर अत्यंसंस्कार करण्यात येणार आहे.
लिपी रस्तोगी हरियाणाच्या सोनिपत येथे एलएलबीचं शिक्षण घेत होती. शैक्षणिक कामगिरीवर चिंतित असल्याने आत्महत्या केल्याचा संशय व्यक्त करण्यात येत आहे. सुसाईड नोटमध्ये तिच्या मृत्यूला कोणीही जबाबदार नसल्याचा उल्लेख आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
