मी राज्यपाल आणि महाविकास आघाडीचा प्रवक्ता नव्हे - चंद्रकांत पाटील

सुशांत सावंत -

मुंबई : राज्यपाल आणि महाविकास आघाडी संघर्ष हे बोलायला मी दोघांचाही प्रवक्ता नाही अशा शब्दात भाजप प्रदेशाध्यक्ष चंद्रकांत पाटील (Chandrakant Patil) यांनी माध्यमांना प्रतिक्रिया दिली आहे. मागील अनेक दिवसांपासून विधानसभा अध्यक्ष निवडणूक रखडली असून या निवडणूकीमधील अडथळे काही दुर होताना दिसत नाहीत. त्यामुळे या प्रश्नांवरती आता कोणी काहीच बोलायला तयार नसल्याचं पाटील यांच्या वक्तव्यावरुन स्पष्ट होत आहे. (I am not the governor and spokesperson of MVA - Chandrakant Patil)

दरम्यान विधानसभा अध्यक्षपदाच्या निवडणुकीचा विषय कार्यक्रम पत्रिकेवरती नसल्याचही पाटील यावेळी म्हणाले आहेत. तसंच राष्ट्रपती राजवटीसाठी राज्यपालांनी रिपोर्ट लिहायचा असतो मी त्यावर काही बोलणार नाही असही ते म्हणाले.

हे देखील पहा -

काल नितेश राणेंच्या (Nitesh Rane) निलंबनासाठी प्रयत्न केले जात होते. नितेश राणेंवर अटकेचा प्रश्न मनमानी नाही तर काय ? असा सवालही त्यांनी यावेळी उपस्थित केला. तसंच 12 आमदारांचे देखील या सरकारने निलंबन केले होते ते देखील त्यांच्या मनानुसारच कारण निलंबन हे प्रोसेस नुसार होते पण 12 आमदारांचे कोणतेही फुटेज नसताना निलंबन केले असल्याचा आरोपही पाटील यांनी यावेळी केला.

Edited By - Jagdish Patil