अनैतिक संबंधाच्या संशयातून पतीने डोक्यात वीट मारून केली पत्नीची हत्या

- सिद्धेश म्हात्रे

पनवेल : अनैतिक संबंधाच्या संशयावरून पतीने पत्नीच्या डोक्यात वीट मारून हत्या (Murder) केल्याची धक्कादायक घटना समोर आली आहे. पनवेल (Panvel) तालुक्यातील चिंचवली गावात विट भट्टीवर काम करणाऱ्या पतीने चारित्र्याच्या संशयावरून आपल्याच पत्नीच्या डोक्यात विट मारून तिची हत्या केली. घटनेनंतर पतीने (Husband) शेजारी असणाऱ्या जंगलात पळ काढला. या घटने संदर्भात पनवेल तालुका पोलिस ठाण्यात गुन्हा दाखल करण्यात आला होता.

हे देखील पहा :

पोलिसांनी तात्काळ कारवाई करत जंगलात पळून जाणाऱ्या पतीला ताब्यात घेत त्याला अटक केली. पतीची चौकशी केली असता आपल्या पत्नीचे (Wife) दुसऱ्या व्यक्तीशी अनैतिक संबंध असल्याने आपण हे कृत्य केल्याचे सांगितले. पती पत्नी मध्ये चारित्र्याच्या संशयावरून नेहमीच वाद होत होते आणि याच वादातून पतीने पत्नीची हत्या केल्याची माहिती पोलिस उपायुक्त शिवराज पाटील यांनी दिली.

Edited By : Krushnarav Sathe