संघर्ष गांगुर्डे, साम टीव्ही
कल्याण: टिटवाळा परिसरात चारित्र्याच्या संशयातून पत्नीची हत्या झाल्याची धक्कादायक घटना उघडकीस आली असून या प्रकरणी टिटवाळा पोलिसांनी आरोपी पती सतीश वाघे याला अटक केली आहे. या घटनेमुळे परिसरात खळबळ उडाली आहे. सतीश वाघे आणि त्याची पत्नी सारिका उर्फ रुक्सार वाघे यांच्यात गेल्या काही दिवसांपासून कौटुंबिक वाद सुरू होते. पत्नीच्या चारित्र्यावर संशय घेत असल्याने दोघांमध्ये वारंवार वाद होत असल्याचे समोर आले आहे.
रविवारी सकाळच्या सुमारास दोघांमध्ये पुन्हा जोरदार वाद झाला. हा वाद विकोपाला गेल्यानंतर संतापाच्या भरात सतीश वाघे याने घरातील हंड्याने पत्नीच्या डोक्यावर जोरदार प्रहार केला. या हल्ल्यात सारिका उर्फ रुक्सार वाघे गंभीर जखमी झाली. तिला उपचारासाठी नेण्यात आले मात्र उपचारापूर्वीच तिचा मृत्यू झाल्याचे डॉक्टरांनी घोषित केले.
घटनेची माहिती मिळताच टिटवाळा पोलिसांनी तात्काळ घटनास्थळी धाव घेत आरोपी सतीश वाघे याला ताब्यात घेतले. त्यानंतर त्याला अटक करण्यात आली असून या प्रकरणाचा पुढील तपास टिटवाळा पोलीस करत आहेत. या घटनेमुळे परिसरात हळहळ व्यक्त केली जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.