Mumbai Rain Alert : मुसळधार पावसाने झोडपलं, मुंबईसह कोकणाला यलो अलर्ट

मुंबई : येथे मुसळधार पावसाची संततधार (Heavy rainfall in mumbai) सुरुच असून परिसरातील सखल भागात पाणी साचले आहे. आज सकाळपासूनच मुंबईत पावसाचा जोर वाढला आहे. मुंबईतील अंधेरी, गोरेगाव, कांदिवली, बोरिवली, सांताक्रूझ, वांद्रे, कुर्ला, सायन, मुलुंड, दादर, परळ परिसरात जोरदार पाऊस झाला. मुसळधार पावसामुळं अंधेरी सब वे मध्ये पावसाचे पाणी साचल्याने वाहतुकीचा खोळंबा (Traffic in mumbai) झाला होता. तसेच वांद्रे कलानगर जंक्शन समोर असलेल्या रस्त्यावरही पाणी तुंबले होते. याच पार्श्वभूमीवर आयएमडीकडून (IMD) मुंबईला येलो अलर्ट देण्यात आला आहे. कोकणातही मुसळधार पावसाने धडाका घातल्याने तिथेही येलो अलर्ट देण्यात आला आहे. मुंबईच्या काही भागात पाणी साचल्याने वाहतुकीवर परिणाम झाला आहे

ठाण्यातही आज सकाळपासून पावसाची संततधार सुरूच आहे. शहरात 50 मिलिमीटर पावसाची नोंद झाली आहे. शहरात डॉ. आंबेडकर रोडजवळील एका इमारतीच्या पहिल्या मजल्यावरील सज्जाचा धोकादायक भाग पालिकेने निकामी केला आहे. मुसळधार पावसामुळं पाचपाखाडी येथे इमारतीची संरक्षक भिंत कोसळली. या दुर्घटनेत कोणतीही जीवितहानी झाली नाहिय.

Edited By - Naresh Shende