Goregaon Film City Incident: गोरेगाव फिल्म सिटीत भिंत कोसळली; २ कामगारांचा जागीच मृत्यू, एक जखमी

(संजय गडदे, मुंबई)

Goregaon Film City wall Collapses :

मुंबईच्या गोरेगाव पूर्वेकडील फिल्म सिटी परिसरात बांधकाम सुरू असलेल्या ठिकाणी भिंत कोसळल्याची दुर्घटना घडलीय. भिंत कोसळून झालेल्या दुर्घटनेत २ कामगारांचा जागेवरच मृत्यू झाला असून एक कामगार जखमी असल्याची माहिती समोर आलीय. (Latest News)

जखमी कामगाराला जोगेश्वरी पूर्वेकडील ड्रामा केअर रुग्णालयात उपचारासाठी दाखल करण्यात आले आहे तर मृत झालेले दोघेही तरुण हे मजूर म्हणून काम करत होते.गोरेगाव फिल्म सिटीत मोठमोठे चित्रपट, टीव्ही मालिकांचं चित्रीकरण सुरू असतं. दरम्यान या दुर्घटनेत मृत पावणाऱ्यांचे नाव संतू मंडल आणि जयदेव मंडल अशी आहेत. तर विक्रम मंडल नावाचा कामगार या दुर्घटनेत गंभीर जखमी झालाय. त्यांच्यावर सध्या रुग्णालयात उपचार सुरु असल्याची माहिती मिळत आहे.