मुंबईत धक्कादायक घटना; मित्राने मैत्रिणीला भरलं पोत्यात, त्यानंतर...

मुंबई : माहीम रेल्वे ट्रॅकजवळ एका पोत्यात अज्ञात तरुणीचा मृददेह (Girl Death) आढळल्याने खळबळ माजली आहे. ही धक्कादायक घटना उघडकीस आल्यावर रेल्वे पोलिसांनी (Railway police) तातडीनं गोरेगावमधून आरोपीला अटक केलीय. सदर आरोपीनं मैत्रीचे संबंध असलेल्या तरुणीसोबत वादविवाद केला होता. त्यानंतर त्याने तरुणीची हत्या केली, अशी धक्कादायक माहिती तपासात समोर आलीय. मृत तरुणी २५-३० वयोगटातील आहे. आरोपीनं तरुणीची हत्या करुन तिला पोत्यात भरुन माहीम ट्रॅकजवळ फेकलं होतं. याप्रकरणी आरोपीला पोलिसांनी अटक केली आहे.

रेल्वे पोलिसांनी दिलेल्या माहितीनुसार, माहीम रेल्वे ट्रॅकजवळ एका पोत्यात तरुणीचा मृतदेह आढळला आहे. काही कारणांवरुन गोरेगाव येथे राहणाऱ्या व्यक्तीनं त्याच्या मैत्रीणीचा खून केला. त्यानंतर मृत तरुणीला पोत्यात भरुन माहीम ट्रॅकजवळ फेकून दिलं.मुंबईतील दिंडोशी भागात मृत महिला राहत होती. तरुणीची हत्या केल्याप्रकरणी आरोपीला गोरेगाव येथून रेल्वे पोलिसांनी अटक केलीय. पोलीस आरोपीला उद्या न्यायालयात हजर करणार आहेत.

Edited By - Naresh Shende