महानगरपालिकेच्या राजकारणात GEN-Z चा दमदार प्रवेश, 22 वर्षाच्या तरुण नगरसेवकांकडून नव्या युगाची सुरुवात

सागर आव्हाड, साम टीव्ही

पुणे आणि पिंपरी-चिंचवड महानगरपालिकेच्या निवडणुकांनी यंदा शहराच्या राजकारणात एक नवा अध्याय सुरू केला आहे. जनरेशन झेडमधील (GEN-Z) तरुण उमेदवारांनी या निवडणुकीत ठसा उमटवत थेट नगरसेवकपदाची जबाबदारी स्वीकारली असून, त्यांच्या रेझ्युमेमध्ये आता नगरसेवक हा मानाचा शब्द जोडला गेला आहे. पारंपरिक राजकारणापेक्षा वेगळी दृष्टी, तंत्रज्ञानाचा प्रभावी वापर आणि थेट नागरिकांशी संवाद ही या तरुण नेतृत्वाची प्रमुख ओळख ठरत आहे.

राष्ट्रवादीच्या 22 वर्षीय अंजली ओरसे

भाजपच्या 22 वर्षीय सई थोपटे आणि सिद्धी शिळीमकर, तसेच राष्ट्रवादी काँग्रेसच्या 25 वर्षीय यश साने हे या निवडणुकीतील लक्षवेधी विजयी उमेदवार ठरले आहेत. नागरी समस्या सोडवण्यासाठी आधुनिक उपाययोजना, प्रशासनात पारदर्शकता आणि डिजिटल माध्यमांचा वापर या मुद्द्यांवर त्यांनी भर दिला आहे

पुण्यातील प्रभाग क्रमांक सात गोखलेनगर वाकडेवाडी मधून अंजली ओरसे विजयी झाली. प्रभागनिहाय कचरा प्रक्रिया प्रकल्प, अखंड पाणीपुरवठा, पाईपद्वारे गॅस कनेक्शन, संवेदनशील भागात सीसीटीव्ही कॅमेरे, सरकारी इमारतींमध्ये सौर ऊर्जेचा वापर आणि नागरिकांशी नियमित संवाद अशा अनेक उपक्रमांचा समावेश आहे. एमबीएचे शिक्षण घेत असलेली अंजली गोखले नगर भागात आरची म्हणून प्रसिद्ध आहे. नगरसेवक म्हणून काम करतानाच शिक्षण सुरू ठेवण्याचा मानस व्यक्त करतात.

तरुणांच्या समस्या मला जवळून माहित आहेत आणि गेल्या काही वर्षांत मी वॉर्डमध्ये सातत्याने काम केले आहे, असे त्या सांगतात. जे सायबर फ्रॉड होत आहेत त्यासाठी मी एक सेंटर मतदारसंघात उभारणार असल्याचं तिने सांगितलं.