Mumbai Fire News : मुंबईतील मेट्रो स्थानकाजवळील इमारतीच्या १६ व्या मजल्यावर आग

संजय गडदे, मुंबई

Mumbai Kandivali Residential Building Fire News : मुंबईतील कांदिवली येथील डहाणूकरवाडी मेट्रो स्थानकाजवळील एका टोलेजंग इमारतीच्या १६ व्या मजल्यावर भीषण आग लागली. सकाळी १० वाजता ही आग लागली. घटनेची माहिती मिळाल्यानंतर अग्निशमन दलाचे सहा बंब घटनास्थळी पोहोचले. जवानांनी आगीवर नियंत्रण मिळवण्याचे प्रयत्न सुरू केले.

मुंबईतील कांदिवली पश्चिमेकडे डहाणूकरवाडी मेट्रो स्थानकाजवळील इमारतीला आज, शुक्रवारी सकाळी १० वाजताच्या सुमारास मोठी आग लागली. या दुर्घटनेत सुदैवानं कुणीही जखमी अथवा जीवितहानी झाली नाही, असे अधिकाऱ्यांनी सांगितले.  (Latest Marathi News)

मिळालेल्या माहितीनुसार, मुंबईच्या (Mumbai News) कांदिवली पश्चिमेकडे डहाणूकरवाडी मेट्रो स्थानकाजवळ जेपी ऑर्चिड इमारत आहे. या इमारतीच्या १६ व्या मजल्यावरील एका फ्लॅटमध्ये सकाळी १० वाजताच्या सुमारास आग लागली.

आगीची माहिती मिळाल्यानंतर अग्निशमन दलाचे जवान ६ बंबांसह घटनास्थळी पोहोचले. त्यांनी या आगीवर नियंत्रण मिळवण्यासाठी युद्धपातळीवर प्रयत्न सुरू केले. सुदैवाने या आगीत कोणतेही जीवितहानी झाली नाही.

नागरिकांना सुखरूप बाहेर काढले

इमारतीच्या १६ व्या मजल्यावरील फ्लॅटला आग लागल्यानंतर त्याची माहिती अग्निशमन दलाला मिळाली. तात्काळ घटनास्थळी अग्निशमन बंब पोहोचले. त्यांनी आग आटोक्यात आणण्याचे प्रयत्न सुरू केले, अशी माहिती अग्निशमन अधिकाऱ्यांनी दिली. इमारतीतील नागरिकांना सुखरूप बाहेर काढण्यात आले. इमारतीमध्ये कुणीही अडकले नसल्याची माहितीही अधिकाऱ्यांनी दिली.