Navi Mumbai Fire: नवी मुंबईत सात मजली इमारतीला भीषण आग, अग्निशमन दलाचे ५ अग्निबंब घटनास्थळी

सिद्धेश म्हात्रे

Navi Mumbai Fire:

नवी मुंबईत एका सात मजली व्यावसायिक इमारतीला आग लागल्याची घटना घडली आहे. नवी मुंबईतील महापे पेट्रोलपंप शेजारी असलेल्या सात मजली इमारतीला आग लागली आहे. आग लागताच ५ अग्निबंब घटनास्थळी दाखल झाले आहेत. (Latest Marathi News)

मिळाळेल्या माहितीनुसार, नवी मुंबतील महापे येथे व्यावसायिक इमारतीला आग लागल्याची घटना घडली आहे. नवी मुंबईतील महापे पेट्रोल पंपाजवळील ७ मजलीला आग लागल्याची घटना घडली आहे.

तिसऱ्या मजल्याला लागलेली आग ही वेगाने चौथ्या मजल्यावर पसरली. इमारतील विविध कंपन्यांच्या कार्यालयांना आग लागली आहे. या आग लागल्यानंतर अग्निशमन दलाचे ५ अग्निबंब घटनास्थळी दाखल झाले.

नवी मुंबईतील या ७ सात मजली इमारतीला आग लागल्यानंतर इमारत परिसरात एकच खळबळ उडाली. तर या आगीमुळे घटनास्थळी बघ्यांची एकच गर्दी जमा झाली.

आग लागल्यानंतर अग्निशमन दलाचे पाच अग्निबंब घटनास्थळी पोहचले होते. त्यामुळे अग्निशमन दलाच्या जवानांना इमारतीला लागलेल्या आगीवर नियंत्रण मिळविण्यात यश आलं.

इमारतीमधील अनेक कार्यालये रविवार असल्याने बंद होते. त्यामुळे कोणतीही जीवितहानी झालेली नाही.