Tanisha Bhise Death Case : तनिषा भिसे मृत्यू प्रकरण : डॉ. सुश्रुत घैसास यांच्या अडचणी वाढल्या, पोलिसांनी उचललं मोठं पाऊल

दीनानाथ मंगेशकर गर्भवती महिला मृत्यू प्रकरणात मोठी अपडेट हाती आली आहे. दीनानाथ मंगेशकर रुग्णालयातील डॉ. सुश्रुत घैसास यांच्यावर पोलिसांत गुन्हा नोंदवण्यात आला आहे. पुण्यातील अलंकार पोलीस स्टेशनमध्ये हा गुन्हा नोंदवण्यात आला आहे. अलंकार पोलिसांनीच घैसास यांच्याविरोधात गुन्हा नोंदवला आहे. पोलिसांत गुन्हा नोंदवल्याने घैसास यांच्या अडचणीत भर पडली आहे.

दीनानाथ मंगेशकर गर्भवती महिला मृत्यू प्रकरणात डॉ. सुश्रुत घैसास यांच्या विरोधात दिवसेंदिवस अडचणीत भर पडत आहे. डॉ. सुश्रुत घैसास यांच्याविरोधात अंलकार पोलिसांत गुन्हा नोंदवण्यात आला आहे. डॉ. सुश्रुत घैसास यांच्यावर कलम १०६(१) नुसार अलंकार पोलिस ठाण्यात गुन्हा नोंदवण्यात आला आहे. दुसरीकडे दीनानाथ मंगेशकर रुग्णालय प्रकरणाचा दुसरी अहवाल समोर आला आहे.

ससूनच्या दुसऱ्या अहवालात डॉ. सुश्रुत घैसास दोषी असल्याची प्राथमिक माहिती समोर आली आहे. या प्रकरणी डॉ. सुश्रुत घैसास यांच्यावर गुन्हा दाखल होण्याची शक्यता आहे. ससुन समितीचा दुसरा अहवाल अखेर समोर आला आहे. त्यामुळे घैसास यांच्या अडचणीत आणखी भर पडली आहे. दुसऱ्या अहवालानंतर डॉ. सुश्रुत घैसास यांच्यावर काय कारवाई होते, हे पाहावे लागेल.

पोलीस उपायुक्त काय म्हणाले?

पोलिस उपायुक्त संभाजी कदम म्हणाले, 'ससून रुग्णालयाकडून पुन्हा अहवाल मागितला आहे. डॉ. घैसास यांनी निष्काळजीपण आणि हलगर्जीपणा दाखवला. वेळ घालवला. त्यानंतर गुन्हा दाखल केला आहे. बीजे मेडिकल कॉलेजच्या अहवालानुसार गुन्हा नोंदवण्यात आला आहे. पूर्ण चौकशी करून अहवाल दिला होता. त्यानंतर गुन्हा नोंदवण्यात आला आहे. आता सर्व कायदेशीर प्रक्रियेनुसार होईल. शासन जीआर नुसार कारवाई करू. डॉ. घैसास यांची काय भूमिका आहे, त्यानुसार कारवाई होईल. त्यांचा जबाब घेतला जाईल. त्याची माहिती घेतली जाईल'.