Pune Accident News: पुणे-बंगळुरु महामार्गावर बस अन् ट्रकचा भीषण अपघात; २ जखमी

Pune Accident News Today: पुणे बंगळुरु महामार्गावर बस आणि ट्रकचा भीषण अपघात झाला आहे. आज सकाळी ५ वाजताच्या सुमारास हा अपघात झाला आहे. डुक्कर खिंड येथे ट्रकला पाठीमागून बसने धडक दिल्याने हा अपघात झाला. (Latest Marathi News)

मुंबईच्या दिशेने जाताना चांदणी चौकात हा अपघात झाला. ट्रकला ओव्हर टेक करण्याच्या नादात अपघात झाल्याची माहिती समोर आली आहे. या अपघातात (Accident) ट्रकचालक आणि बस मधील एक महिला जखमी झाले आहेत. जखमींना तात्काळ रुग्णालयात (Hospital) दाखल करण्यात आले असून त्यांच्यावर उपचार सुरु आहेत. (Pune News)

बुलढाण्यात ट्रॅक्टर पलटी होवून चालक ठार!

बुलढाण्यात (Buldhana) देखील भीषण अपघात झाला आहे. या भीषण अपघातात ट्रॅक्टर पलटी होवुन चालक जागीच ठार झाल्याची धक्कादायक घटना खामगाव तालुक्यातील लाखनवाडा - जयरामगड रोडवर घडली आहे.

संतोष श्रीकृष्ण गवई वय (अं ३२ वर्षे रा. कंचनपुर ता.खामगाव) हा नांगरटी करण्यासाठी कंचनपूरहून लाखनवाडा येथे गेला होता. नांगरटी करून तो पुन्हा कंचनपूर येथे परत येत होता. त्यावेळी त्याचे ट्रॅक्टरवरील नियंत्रण सुटल्याले ट्रॅक्टर पलटी झाला आहे. त्याच ट्रॅक्टर खाली येऊन संतोष श्रीकृष्ण गवई याचा जागीच मृत्यू झाला. घटनेची माहिती मिळताच पोलीस घटनास्थळी दाखल झाले आणि पाहणी केली.