Election 2022: प्रभाग पद्धत कशी असावी यावर आज निर्णय होण्याची शक्यता

रश्मी पुराणिक, मुंबई

राज्यात पुढच्या वर्षी मुंबईसह पंधरा महापालिकांच्या निवडणुका होणार आहेत. या महापालिकेत प्रभाग पद्धती कशी असावी, तसेच नगरपंचायत आणि नगरपालिकांमध्ये प्रभाग पद्धत कशी असावी यावर आजच्या राज्य मंत्रिमंडळाच्या बैठकीत निर्णय होण्याची शक्यता आहे. याबाबत महाविकास आघाडीतील नेत्याची चर्चा झाली आहे. (Election 2022: The ward system is likely to be decided today ab95)

हे देखील पहा -

पंधरापैकी मुंबई महापालिकेत सध्याची एक प्रभाग पद्धत कायम राहणार तर उरलेल्या महापालिकेत दोन की चार प्रभाग पद्धती असावी यावर आजच्या बैठकीत निर्णय होण्याची शक्यता आहे. पुणे, पिंपरी-चिंचवड, सोलापूर, कोल्हापूर यासह काही महापालिकेत दोन सदस्य प्रभाग पद्धत रहावी अशी काही नेत्याची भूमिका आहे. नगरपंचायतीत एक सदस्य प्रभाग पद्धत, तर नगरपालिकांमध्ये दोन सदस्य प्रभाग पद्धत असण्याची शक्यता आहे. आजच्या मंत्रिमंडळाच्या या प्रस्तावावर निर्णय होण्याची शक्यता आहे.

एक प्रभाग एक नगरसेवक यासंदर्भात निवडणूक आयोगाने अध्यादेश काढला होता. मात्र दोन सदस्य प्रभाग पद्धती असावी अशी मागणी पुणे राष्ट्रवादीची आहे, तर कोणत्याही प्रभाग पद्धतीत निवडणूक लढण्यास आपण तयार असल्याचे पुणे भाजपने म्हटलंय आहे. राज्यात ओबाीसी आरक्षणावरुन स्थानिक स्वराज्य संस्थांची निवडणूक वादात ठरली होती. परंतु राज्य सरकार नवा अध्यादेश काढणार असल्याचं जाहिर केलं होतं. त्यामुळे राज्यातील महत्त्वाच्या समजल्या जाणाऱ्या महानगरपालिका, जिल्हा परिषदा यांच्या निवडणूका होणार आहेत. तसेच याबाबत महापालिकेत तसेच नगरपंचायत आणि नगरपालिकांमध्ये प्रभाग पद्धत कशी असावी यावर आजच्या राज्य मंत्रिमंडळाच्या बैठकीत निर्णय होण्याची शक्यता आहे.

Edited By - Akshay Baisane